Kay-nwel
Jude Duranty
Boum, boudoum, kout kannon ka pété bò kay-nwel nou an. Sé an manniè pou nou sanblé alantou bel ti-koté tala nou pran tan nou préparé dépi konmen tan. Sa té ka fet dènié sanmdi apré Kris wa, kidonk avan prèmié dimanch lé zavan. Pandan twa sanmdi nou ké chanté pou atann Jézi ké vini adan krèch-la. Nou fè an krèch épi vié papié manman ba nou dépi lanné pasé mé nou poko mété lanfan Jézi. Sé jou nwel-la le 24 apré minui lè nou ké sòti lanmes minui nou ké mété’y adan bel krech nou an.
Tou lé zaprémidi jik pa koté yuitè nou ka sanblé pou chanté ek fè mizik kantik. Chak moun an ka pòté an bagay, doukwé pou tjébé labriz. Tala ka pòté gato, tablet koko, chob, paté, sipè oben soda épi kisasayésa. Chak lè nou fè an dimi-yè nou ka fè an poz pou pozé goj nou.
Afos chanté é délè, djélé an mwé, goj nou koumansé las ek nou ka pres anwé. Jennjan, jennfi nou tout ansanm dan an sel fratènité. Dan kay-nwel la, sa té ka kraché difé sanmdi ek dimanch. Tanzantan ni dé gran-moun ka vini jété an kout-zié, é yo ka pofité pòté an bout janbon ba nou oben dé boutèy ji grozey.
Jòdi man ka chonjé kay-nwel lanfans mwen éti man té konnet pawol kantik-la pa tjè. Pli bel-la tou, sé té épi sèten adan nou éti té ka ajouté kantik-pikan an apré chak chanté. Kontel : Afos Jozef té boulé, Jozef dòmi déwò….
Jòdi sa tibren lwen pas pou chanté kantik, délè fok ou péyé alavans. A fout sa té bon kay-nwel la, sé la ou té ka koumansé aprann ou té bizwen andan an kay dimen, ek sé la ou té ka viv solidarité ek fratènité.
|
