2007
Lanné kannèl

Obò dé mil sèt nou baké
Avan hak a-y ni tan wòklò
Avan ayen ay malmaké
Ba-w nou ka mandé-y éklò

Ba-w
Ba fanmi a-w
Ba moun ou enmé
On lanné diktanm
On bòl toloman
Twa san swasant senk jou liminé
On lanné adoumanman.

Fè pou bon van gonflé vwèl a-w
Fè pou lanmè a-w rèsté bèl.
Pou limyè kléré tout syèl a-w
Pou lavi a-w toultan zwèl.

Ba-w
Ba zanmi a-w
Lésèz i enme-w
On lanné dousin
Sik sosé an myél
Pou kè a-w léjè pasé tout plim
On lanné an sétyèm syèl.

Mé wi chè
Akwèdi on bouké flè
Nou ka mandé ba-w
On lanné nawflaw.

Ékto Poulé