Pa konprann dè di, dlo mousach sé let, chien ka fè chat, koko sé zabriko, é lalin sé fwomaj... Pa konprann dè di, poul ké jen ni dan, é solda ki lévé ta ké trapé kafé fò. Pa konprann dè di, sa'w pa jen simé, sa'w pa jen wouzé, ou ké rékolté'y. Pa konprann dè di, sé lézot ké fè zafè a'w maché, san ou ni ahak a jen fè pou yo. Pa konprann dè di, on vyé kannari sa la pou jété, é on jenn ti bway ja konprann la vi. Pa konprann dè di, travayè St Barth yo tout milyonè, é kouli sé chien pou kiré dalo. Pa konprann dè di, pomfrans sé pou nèg, papay pou milat, mango pou kochon, é frez pou béké. Pa konprann dè di, laTè sé poubel, é on piébwa fèt pou baré lari. Pa konprann dè di, dlo rivyè sé sos ka chèché lanmè pou'y sa fè labou.

Pa konprann dè di, sé épi lahèn ou ké rivé fè sé moun-la enmé'w.

Jean S. Sahaï

Avril 2009