Ki Fwansé ki Kréyòl
Anglé oben Pangnòl
Sé calebasse, kalbas
calabash, calabazza
Yo kriyé-mwen !

Si sé grangrèk-la vlé ban-mwen
on non an jan a-yo: Crecentia cujete¹
Sa sé zafè-yo.
Kèlanswa
tout moun pou sav
an sé on bèl pyébwa
bwa-rèd an menm tan
 bwa-lyann :
an pa ka kasé fasil.
Adan fanmi an-mwen 
nou a pasé senkant varyété kalbas
é noutout sé kwi nou ka fè :
 ‘’adan on kalbas tini dé kwi ! ‘’
Mé si ou pa moun mélé
si dé men a-w pa pòk
ou pé fè zasyèt, tenbal oben sak, lanp
oswa tout sòt kalité dékorasyon èvè mwen.
Sé konpè Gyenbo i anlyannaj èvè flè an-mwen.
An ka sèvi rimèd pou onlo malad
mé prensipalman
fo zòt sav
pou luil an ni
andidan grenn an-mwen 
dèmen
asiré pa pétèt
zòt ké tann papal !

Èktò Poulé
Kapestè bèl dlo
29 jwen 2014

1. Cresentia: du nom de Pierre Crescenzi (Petrus Crescentiis) né en 1230 à Bologne.
   cujete : nom brésilien de l’arbre.

Fleur cauliflore (= fleurs qui naissent sur la tige) de Crecentia cujete.

Fruits de Crescentia cujete.

Kwi utilisés comme récipients.

Sur Potomitan

1. Calebasse à toutes nos sources !
    
2. Crescentia cujete

 Viré monté