Potomitan

Site de promotion des cultures et des langues créoles
Annou voyé kreyòl douvan douvan

Solitid ki te pa pwetès la menm

pou Bèbèt

«Ak wòb ou blayi sou woche a tankou yon zèl tou blan
Gout yo nan pla men w tankou yon blesi nèf
E ou menm k ap plede ri ak tèt ou kapote dèyè tankou yon timoun poukont li…»
(Alain Grandbois)

Saint-John Kauss
 

an n fèmen parantèz la epi an n pale de lanmou ak tou de ri ladoudous  …
moun provens  bwa maldyòk ak lanm san bout
ann pale de powèt wololoy nan powèm ki mete yo tèt anba pou lasolitid li te
fi ak chive sereyal/ ak souri ki souri yon timoun ki poukont li

solitid ki te pa pwetès la menm/ kolejyèn ak je chaje atirans
fèlman senpa anba lonbraj  pwezi lodè epis  ki soti nan zantray zile
nèg tout koulè

se te gout ki fè laj mwen devèse
mouvman nidite pafè
 ou menm fanm bris o
ak klavikil ak omoplat san parèy

ak pi saliv fre mouye ak beze dou ak beze platin kasav
fanm tèlman senpa epi oken ti moso
 nan silans òg yo
ti zile sa a ki blayi nan lannuit moun
pa ka gen fòs tout lanmou ak tout rèv sa yo

 

rèv san pawòl jis nan jounou pyebwa yo
jis nan nan lechèl toutouni achipèl yo
rèv liv sakre k al bout sanzefò nan zòrèy pwof­­án
pwomès zile a zile epoutan kanpe tankou lanp
nan lannuit moun

fanm ak demach ous ki soti sou yon tè eritaj endyen
fanm powèm nan damou e ki kanpe tankou yon femèl chaman an chalè
fanm o ou k se yon aritmetik
kwonik tout mal powèt la ap andire
fanm o ou menm pòtrè yon pil ekwasyon adoubenkoni
anba lagras pwofonde

ke pesonn pa goute deyanchman
san mele nan kadans san entak
rèn gran chimen sa a
pisans o ou ki san mezi nan moman powèm nan

epi ke pesonn pa bat bravolakontantman nan  blesi l yo ak devan kadav li yo
nan kadran  lanmou miyèt moso li yo
nan panchan m yo pou li ki depase tout lajwa
nan  lafuit maladwa m anba je jeyicha

m  pa t fouti gade l san m pa make ak siy mwen
powèm ki pa pè anyen ak mo ki pa mo toulejou yo
pawòl labote egare nan doulè refize
pataje
pataje l ak moun fou a ki t ap resite powèm Omè

dam sila ki bèl ki gen je je vif ki double lantè m pou m montre aklè
mo tris mwen yo ke m chwazi pou solitid li te ye      fi chive
 sereyal moun peyi Lazi/ ak yon souri akasya

ke pesonn pa imajine pye l  ni nan dife lajwa
fanm lanèj o ou menm ki kouri pou solèy mwen
anba lonbray
pwezi jenewozite yon nèg trankil te ofri w

epi ke pesonn pa gen dout sou enstabilite inosans
mò  nou yo livre nan tribinal latè
kote koudèy dènye mouvman vivan yo paf è myank-myank
pou solitid ki te pa
pwetès yo rele

Bèbèt la

anis

Poème en français

 

Viré monté