Notre collaborateur Jid, qui depuis 2008 propose la chronique Kréyolad nous propose un focus sur ses publications en langue créole qui sont diverses car s’adressant à la jeunesse mais aussi aux lecteurs adultes. Chaque semaine du mois d’octobre nous aurons à découvrir voire redécouvrir des thèmes différents par le biais des livres en créoles.

Jédi 1er oktob 2020

Nou ké koumansé épi Kréyolad.

Dépi mwa’d mas 2004 lektè POTOMITAN abitjwé li Kréyolad chak simenn pis jòdijou i ja ni liméwo 840. Makak pa ka trouvé ich-li led, mé POTOMITAN fiè pas épi ribrik-tala asiré anlo moun ni posibilité li chak simenn an paj kréyol.  A nivo’y i ka pa permet alfabétizasion an kréyol pas anlo pami nou pa aprann sa lékol. An tan-an yo pa té ka rikonnet kréyol kon an lang, ni adan ki kriyé’y patwa, dot asiré sé an véritab lang kon tout lang.

Chonjé mo premié kréyolad-la.

Kréyolad sé an ti mo pou pran a larigolad.

Kréyolad sé an ti rigolad an boug led kon krapolad ka vréyé douvan pou’y pa tonbé malad. Pou malkadi pa pran’y kon moun ki pa bwè asé dlo-babad épi moun ka ladjé kon an vié rad.

Délè san fè kalvakad man ké di dé bagay ki tibren sérié, menmsi man poko an tet-pen rasi. Si’w wè man ni an mo ki chapé sa pa ayen, sé kondisiré an makak. Led i led i pa méchan. Si’y ka fè lagrimas sé pas i sòti dan an troupo makak dèyè an ti-boug ki té ka fè jes makak pas i té ni an mas makak.

Kréyolad pou nou pé li épi pou man bien aprann matjé kréyol-la. E lè man ké sa bien matjé’y , zot menm ké sa bien li’y.

An tjenzan Kréyolad konnet twa liv:

• Kréyolad
   
• Dis lanné Kréyolad
   
• Kréyolad (2004-2008) man sanblé senk lanné pou fè an kenkéna.

*

 Viré monté