Pousyè leve
 li leve anba jipon vil Okay
kote tout lari tounen pòt simityè
yon vil an nwa e blan
kote so Mathurin vin ma dlo
ma san
ma goudou goudou
n ap konte kadav sole
ki depatcha sou boulva pèdi bout
pousyè kite sikatris
mo yo tris
rèv anba dekonb lannwit
lalin pèdi souf sezon
m anvi pale
 m anvi yon lòt lavi
m anvi jwe ak zwezo yon lòt peyi
m anvi yon lòt peyi
pou li sispann toupi nan men latè
Yon tè aladriv
Yon tè toutouni

*

Viré monté