4 trè

syèl la an maldanfans

jounal kreyòl la ap chache vwa w

timoun vwazinay yo ap chache miwa w

lari Pòtoprens ap chache tras pye w

Pòtvwa zile Kiskeya a etenn

sanzatann

nwaj tristès vlope pawòl an nou

kiyès ki va di n

kouman lanmè Bisantnè

kouman bwatchenn Pòtoprens gen kè grenn

lè move tan kenbe n  ra gagann

kiyès ki va di n

sa k manniganse lavèy

sou do peyi a

lè lannwit drive rèv Madan Kolo

kiyès  ki va di n lè l fè 4 trè

 zanmi pre zanmi lwen

ou pa wè papiyon yo fin mouri

sou plas Kalbwa.

Viré monté