Youn nan fason nou kapab aprann de yon kilti ke nou pa konnen, se ta poze yon seri kesyon sou sa nou pa konnen e sou sa nou ta renmen konnen, fè yon seri entèvyou ak natif oubyen moun ki manm kilti sa a. Si l posib, nou ka vwayaye nan peyi kilti sa a pou n obsève epi rapòte.

One of the ways in which we can learn about a culture that we don’t know about, would be to ask questions about what we don’t know and about what we would like to know, conducting interviews with natives or people who are members of that culture. If it is possible, we can travel to the country of this culture in order to observe and report.

Pafwa menm kan nou ta manm yon kilti an patikilye oubyen leve ladan l, nou pa ka fin afime ke nou ta reyèlman konnen tout bagay, tout lanvè landrèt li, e jan bagay yo fèt. Men ak yon metòd pou n kesyone, e ankete sou li tank nou kapab, sa pral ede n fè anpil dekouvèt pou anrichi konesans nou plis.

Sometimes, even if we would be members of this particular culture or if we were raised in it, we can’t affirm that we would know everything, the in and out of it, and how things are done. But with a questioning method and investigating on it as much as we can, that will help make many discoveries to enrich our knowledge more.

Lè nou pale de «kilti nou», sètènman nou menm Ayisyen, nou pataje kèk bagay an komen, men sa pa vle di pou otan nou tout Ayisyen ta pataje tout bagay n ap jwenn nan kilti ayisyen. Rezon an ka gen pou wè avèk kwayans nou, nivo edikasyon nou, milye kote n ap viv, e klas sosyal nou apateni. Men an gwo, nou tout gen yon sèl drapo, nou tout gen yon lang an komen nou pale (byenke nan kèk peyi kouwè Ayiti, n ap jwenn yon lòt lang sou teren an ki pa lang natif natal Ayisyen). Men, sa ki enpòtan pou nou (konsènan koze lang lan) se fason nou ka itilize de (2) lang yo (fransè ak kreyòl) sou teren an, e fason nou kapab itilize lang an jeneral nan sosyete a. Lang se yon mwayen kominikasyon; se yon zouti ki pèmèt nou kominike youn ak lòt. E n ap gade kijan zouti sa a enpòtan pou nou jodiya atravè entènèt la, kote nou vin gen zanmi /bon zanmi ke nou pa janm rankontre nan vi nou, moun nou pa janm wè foto yo. Nou di Bondye mèsi pou kokenn zouti sa a li ban nou pou n kominike long distans ak pitit li ki tout kote sou planèt latè.

When talking about “our culture”, certainly we, Haitians, share something in common, but it doesn’t mean that all Haitians would share everything we’d find in the Haitian culture. The reason might have to do with our belief, our level of education, the surrounding where we are living and the social class we belong to. But in all, we all have one flag; we all have a common language we speak (though in some countries like Haiti, we’ll find another language that is not native to the people). But what’s it more important for us (concerning language issue) is the way we can use the two languages (French and Creole) on the ground, and the way we can use them in general in society. Language is a means of communication; it’s a tool that allows us to communicate with one another. And we are looking at how important this tool is for us today through the internet, where we make friends /good friends that we never met in our life, people whose pictures we never see. We thank God for this great tool He gives us to communicate long distance with his children everywhere on planet earth.

34.Reveyon (Poukisa li enpòtan Ayiti? Kisa moun fè nan yon reveyon?). Eske tout moun nan kilti a selebre epòk sa a? Kisa moun fè nan yon «reveyon»?

1. Plasay debou (relasyon visit kote 2 moun yo pa rete ansanm: visiting relationship where two people don’t live together).