la mer ene zour

 

ene kamarad

ki plis conten revé ki existé

pe raconte mwa la beauté

 

mo douce epousée

avek so la mains

ki kuma bann versets

pe berce mo la tete

 

bann zenfants laba pe galoupé

kuma dire deux ti zakos

 

taler mo pou alle lir

philosophie poesie roman

enfin mo pas trop conne

mais mo pou lire

 

taler mo pou alle nazé

mo pou tremp

mo le corps dans dilo soleil

 

et peut etre ki la mer pou prend mwa

et peut etre ki la mer pou avale mwa

 

mo bizin alle

 

ca bonheur la trop fort