Max RIPPON pa jan lagé plim a'y, davwa pawòl i tini pou maké ban nou lwen bout.

Sonjé PAWOL NAIF. Sé té prèmyé-la. Apwé, i monté an fétay. E sé konsa lè'w fin byen sosé ou ja ka atann twazièm-la Poukisa?

Lè'w vwè ou vwè Max pwan zépon natirèl a'y, i ka chayé'w an fondòk péyi-la. Jòd-1a an lizyè, dèmen siplètadyé andidan kaz a Gaga, on dòt jou an lari-la.

E lè ou sòti la ou ka santi'w on dòt jan. I chouboulé kò a'w titak, mé ou ja trapé on soulajman. Apré tou sa ou pé pa kabanné ankò. Ou dwètèt vin pli bòsko. Lévé!

Max pa ka ba lang kréyòl-la pon boulvès. Gòjèt pòkò adan.

I ka maké'y kon là anman épi apa tè ka frazé ban nou anlè mès é labitid a péyi-la.

E sé pa pou di i ka fèmé'y adan pon tradisyon ka langanné, oben maré'y. Awa, i ka jik ouvè pòt é founèt.

E nou ka di lé grangrèk, é lé machapya mi bon grenu kréyòl-la.

E nou ka di grangrèk é machapya, mi nou, sé nou menin ki la. Apatoudi vlé timoun, sé akouché ki mèt.

Alain RUTIL