Lanmou ba-w bon gaz
Kanmenmsi ou toujou kwè
I ka ba-w zèl
I ka ba-w zèl

Zèl i ka ba-w
Dapré-w pou fè-w ay pli ho
I brilé-yo
I brilé yo

E gadé-w jòdi
Pòtré on bwètazòdi
Alavwari
Alavwari

Si ka rété-w
Menm on tololo-lèspri
Pisimyé ri
Pismyé ri

Pléré si ou vlé pléré
Gwodlo-zyé fèt
Pou dékrasé penn a lavi.

Lè lanmou ka ban-nou gaz
Annou pran gaz
I mèté-nou ozabwa
Fè nou bwabwa
Lavi sanm on kannaval
Nou ni pou jwé wòl a Vaval
Si nou ni pou nou chanté
Annou chanté
Pou nou soté é maté
Annou dansé
Davwa si pa té lanmou
Nou té ké ka sanm bamou !