Potomitan

Site de promotion des cultures et des langues créoles
Annou voyé kreyòl douvan douvan

Calendrier des arthopodes
Juillet

Mouchamyèl-Tipoban
(Abeille mélipone)

Hector Poullet

Mouchamyèl-Tipoban

Mouchamyèl-Tipoban. Photo Wali Fale.

 A pa jòdi ni yè nou bòdé kotésit
 asi on bannzil-paradi.
 Nou rivé avan moun té moun
 avan Zawag
 avan Kwayib.
 Prèmyé Siboné
 sèvi èvè siwomyèl an-nou
 pou té swangné malzyé.

 Epi on jou Pangnol débaké
 é dèyè-yo
Anglé
Néewlandé
Fwansé
anni vahi  péyi an-nou.
Yo débaké
èvè mouchamyèl a-yo
on kalité gyèp a siwo
mové-mové ka piké
bon piké la

Alòkifè noumenm nou chapé
nou mawon
nou pwan bwa.
Sé la nou ka tann papal.
Nou ka tanndi
moun démiltipliyé.  
Lilèt-la bétonné
goudwonné
loto
aviyon
ka fè vonvon.

Paradi an-nou la anchèpi.
On dòktè ka swangné bouch
té ké swadizandi
sé anni siwomiyèl mouch-tipoban
té ké rédé sikatrizé bobo-lavi.

 
(Hector Poullet Capesterre  juin 2013)

crabe

 Viré monté