Ni moun ka di goyav.
Ni ka di gwayav.
Jis tini lésèz ka di griyav !
Mwen sé gouyav an pisimyé.
Kèlanswa
Adan fanmi an-mwen
Ni sa, yo dou kon douslèt
Epi ni sa, yo si kon sirèl
Ni jòn, ni blan, ni wòz, ni wouj
Ni gouyav-frèz
é ni gouyav-zannanna !
Pou vitamin
nou sé on min
kouté
noutout, ni sa
 pa méchansté.

Sa dwèt pousa tout griv
ki pat-jòn, ki tranblèz
jis pyad li i pli wèz
yo enmé vini bèkté-nou
toulongalé.
Sèktanm sé la nou ka mét -atè
sé mwa-lasa nou pisimyé.
Sa rivé-nou nouri
Béké ki béké
lè yo té débanké
Sé pousa ou ké tann
ni adan sé mésyé
 yo ka kriyé
jis jòdi-jou :
« Béké-griyav »
Toutmoun sav
Sé blan-mannan
sé blan-maléré !

 Viré monté