Potomitan

Site de promotion des cultures et des langues créoles
Annou voyé kreyòl douvan douvan

Calendrier des arthopodes
Mai

Zing-zing é Dimwazèl

Hector Poullet

Zing zing

Probablement Micrathyria aequalis. Photo F.Palli.

Ma a Man Nasis pa sèk1:
kijan fè
Zing-zing é Dimwazèl
pa ka pli vini dansé
mazouk-piké  
« alamarisosé » 
pou pwan plézi
adan dousin-vèglaj
a dlo-miraj a-y !

Zing-zing koulè wouj
èvè Dimwazèl koulè blé
dépi toultan
té toujou enmé vini 
kotésit akontinyé
pou yo té dansé
pwan tan pozé
si zèb-para
é chapo-dlo
atoupannan Sòlèy
limenm a-y
té ka pwofité pou
i té pentiré zèl a-yo
adan on batzyé
koulè lakansyèl.

Epi di-mwen Lévwaz
ka i pasé ?
Ka i rivé kifè
lavi anni chalviré
pou té rivé 
jan i yé la ?

Ma a Man Nasis pa sèk :
Zing-zing é Dimwazèl
pé ké pli vini dansé :
masouk piké
« alamarisosé » 
ni pwan plézi
adan dousin-vèglaj
a dlo-miraj a-y !

Ektò Kapèstè mè 2013

crabe

Note

  1. "Ma a Man Nasis sek" est le titre d'une pièce de théâtre jouée au festival de Martinique en 1978 par le groupe Cyclone d'Arthur Lérus.

crabe

 Viré monté