Palapenn fransé bouch a-w
pou kriyé-mwen
«iule»
Fwansé ki Fwansé
pa konnèt mo-lasa ankò.
An kréyòl
déserten ka kriyé-mwen
«Kòkòlò»
mé mwen
Kongoliyo
sé non an-mwen.
Sé non-lasa an pisimyé.
An pé rivé ni twasan pat
mé
awa
an pa janmé tini
«mil pat».
Dayè Bètannipyé ki Bètannipyé
on lékouz an-mwen
limenm a-y pa pon tini mil pat.
Epi mwen
an pa ka mòdé.
Lèwvwè an jenné
an ka anni woulé kò-an-mwen
asi mwenmenm an-mwen
an ka rété woulé ka véyé lanm
ka atann-vwè
lè tout biten zwèl
kifè déparfwa
yo ka kriyé-mwen
«woulo».
Poukisa mwen asi latè?
An la pou manjé
tout tikochonnri-fèy a pyébwa
ja ka pouri
pou fè-yo viré fimyé.
E wè!
San mwen
pa té ké tini bon tè
pou agrikiltè.

Kapèstè 18/09/2013

 Viré monté