Janlwi épi Bonnonm

Atoupannan gawoulé té ka chiré sé gran propriétè blan-la, èvè sé blan é  milat lib anvil-la, adan sé latilyé-la sé nèg-la yo té ka kenbé an lèsklavaj-la ka èché monté konplo pou yo vwè kijan yo kay trapé libèté a-yo. Déserten anpami sé blan é milat lib la, fè on nouvèl-manti kouri anbafèy, yo fè sa pa annèspré pou sé nèg latilyé-la té pété chenn, yo fè sav: «lasanblé nasyonnal fwansé té ja voté abolisyon a lèsklavaj, mé Gouvènè-la i té ni dé bitasyon é sé gran propriétè blan la pa té vlé lébéré sé èsklav-la».

Sé nèg an lèsklavaj-la ay kwè sa ! Dotwa adan yo pwan mo pou té sanblé asi bitasyon Poirier de Gissac, pou té ay mété difé obou Sentann é pwofité pou masakré tout blan propriétè èsklav. Janlwi, on milat èsklav, té an tèt a konplosité-lasa. Ni on nèg yo té ka kriyé Rémon, i kouri ay rapòté ba mè Sentann,  pou di-y sa i té kay pasé la. Yo kenbé Janlwi é bon dotwa adan sé kanmarad a-y la yo pann-yo.

Kèk tan aprésa, sé Marigalant on menmjan konplosité monté pou sé nèg an lèsklavaj-la té masakré tout blan. Non a chèf konplo-la té on milat lib yo té ka kriyé Bonnonm. Yo pongné Bonnonm é sé kanmarad a-y la  é yo pann-yo.

Kanmenmsi dé konplosité-la ka sanm, a pa té menm biten-la Janlwi é Bononmm té ka chèché. Janlwi té on èsklav i té vlé libéré kanmarad a-y i té an lèsklxaj, i fè sa pou libèté. Bonnonm, pa té èsklav, i té ka chèché onsèl biten,  kijan i té pé rivé pwan sé propriété à sé blan-la.¹

 

Jean-Louis et Bonhomme

Tandis que les grands propriétaires blancs se déchirent avec les blancs et mulâtres libres des villes, les nègres des ateliers qui étaient maintenus en esclavage s’organisaient pour fomenter les révoltes qui devaient les libérer. Certains parmi les libres et les blancs avaient volontairement fait courir une fausse nouvelle qui devait provoquer le soulèvement des ateliers: l’Assemblée Nationale en France avait voté l’Abolition de l’esclavage, mais que c’est le Gouverneur, lui-même propriétaire de deux habitations, ainsi que les grands propriétaires qui refusaient de libérer les esclaves.

Les nègres tenus en esclavage crurent en cette fausse information! Quelques-uns se donnèrent rendez-vous au Poirier de Gissac pour mettre le feu au bourg de Sainte-Anne et en profiter pour massacrer les blancs des grandes propriétés. Jean-Louis, un mulâtre esclave, était le chef de ce complot. Un nègre, nommé Raymond, le dénonça au maire de Sainte-Anne. Jean-Louis et ses camarades furent capturés et pendus.

Peu de temps s’était écoulé quand un complot du même type fut dénoncé à Marie-Galante. Le chef de ce complot était un mulâtre libre du nom de Bonhomme. Bonhomme fut attrapé avec ses complices et tous furent pendus.

Bien que ces deux complots aient pour objectif la révolte des ateliers d’esclaves, Jean-Louis et Bonhomme n’avaient pas le même but. Jean-Louis  était esclave et voulait la libération de ses compagnons de misère, tandis que Bonhomme visait par ce moyen à s’accaparer des biens des propriétaires blancs.

1. Source: Histoire de la Guadeloupe par MA. Lacour t. 2
   

 

 

*

 Viré monté