Kyo ! kio ! tcho ! tjo ! tÿo !
Make non an-mwen jan zòt vlé.
Kriyé-mwen kayali
si s aka fè-zòt plézi.
Fè jé
Bay blag si do an-mwen
Rakonté tout kalité bétiz si kont an-mwen :
Manman-mwen mò an pa ay lantèman !
An ay lapèch an pa pwan ayen !
An sé kyo kouyon-la !
Mwenmenm an-mwen an byen mansousyé
Aséfyé !
Sé mwen kyo pli bèl zozyo latè pòté
Èvè pli bèl koulè plimaj tout koulè.
Bo ma
Bò létan
Bò mang
Bò rivyè
Bò lanmè
Toupatou la ni dlo
An la la an-mwen
An véyatif
E dépi an trapé on dèkwa
menm si sé anni
on golomin
an sitèlman kontan
an ka hélé  anmwé :
Kyo ! kio ! tcho ! tjo ! tÿo !

Note

Kio: Butorides virescens. Héron vert.

Viré monté