Tambou bèlè © matinikphotos

Appiyé ! congné tambou là !
Vini, dépéché zot zenfants.
Douboute, en nous crazé cô la.
Ciel la bel, fété tou bonnement !

Ernestine, pa pléré ma fi !
Hié té maigue, cé té sirigin...
Pa chéché a comprenne la vi !
Pou dimain, cé ké Babarin.

Paulo, kimbé rède pa moli !
cé vré, la souffrance pa gué dou.
Patience, kimbé la ké fini,
On malhé pa la pou toujou.

Allé, sauté, dansé, maté…
Chanté lé Rose, frappé lé mains…
cé plézi, tan pis pou apré.
Vancé voué moune la gen ça bien !

Appiyé ! congné tambou là !
Vini, dépéché zot zenfants.
Douboute, en nous crazé cô la !
Ciel là bel, fété tou bonnement

CASIMIR LETANG
Guadeloupe