Kaz | Enfo | Ayiti | Litérati | KAPES | Kont | Fowòm | Lyannaj | Pwèm | Plan |
Accueil | Actualité | Haïti | Bibliographie | CAPES | Contes | Forum | Liens | Poèmes | Sommaire |
Fetich antilop sovaj la Pou ou, Ebèt
|
||
li t ap pèdi tan l chache m san siksè ak yon souri moun peyi Lapès figi l imaj bouke flè livè odè fèy fanm damou fanm chive kouè sereyal Lazi li t ap chache m nan yon inosans fèy akasya nan mitan bwouya yo jis rive nan zantray lakontantman li te vle m tounen fantom solèy pitit zile yo nan kadans montay yo ak ti kè m tou frajil nan kafouyay lanmou fanm chaje valè li te vle m toutbon nan chuichuichui kote yon seri nuizans ensipòtab ki kache kò yo kèk kote nan mitan lannuit ak yon kè ti pa leje lyann sovaj tckak tchak epoutan li lonje lanmen ban mwen yon men ladoudous san parèy yon ti men pwès epi estwòdinè moun peyi Lapès li te vle won ak souf lanmou nan pataj eritaj zansèt yo li te vle m tounen powèt ak zèl lamelankoli ak de bra m yo louvri anfas yon istwa lanmou nan mitan chalè sezon lete fanm o fanm miyèt moso ki pote nan ti men l yo nostalji tan an fanm dwèt makiyon ki aprivwaze bouya a fantòm ki fè wa pran kouri kite peyi yo ak kè yo dechire fanm o ou menm ki konn konsole li t ap chache m pou granmesi nan yon powèm kè nan men vizaj krankannen ak lespwa souf odè epis Lazi men ki soti yon kote ki pa egziste pou l al chwe nan jenewozite yon kè depafini li t ap chèche m pou granmesi nan senplisite zile sa yo k ap mache li t ap chèche m sou wout tan an nan titeni solèy granmtimaten nan chak pèl sab sou wout twalswa ak fanm je won nan chemen kote nèg lage kò yo san jèn nan bay manti nan chak vèy y ap fè pou vivan li te vle m yon santinèl lanmou depafini ki alorijin yon gran rèv endispoze nan chòk alevini van an ti chandèl yon sware sanmank yon avanti total ki pran bout nan limon lakay li aksyon toutbon pou yon padon toutbon li te vle m powèt tout peyi bel fanm avwal o ki konn latrankilite lè lanm yo an kòlè li te vle pou m mete bag la nan dwèt li nan plas ekri powèm nan pou li powèt an menm tan sèl sipriz pou moman gran silans lan tout sa pou m di kijan l te prefere m rèstavèk biten lagè nan lapenn san bout sa a nan linosans lanèj la ak powèm nan tou bosale li te vle m powèt koutizan bra louvri douvan fanm chive koulè seyeral Lazi a ak douvan pye bwapen ki gen plis pase mil an li te vle m yon nèg telman senpa nan miltiplikasyon kèk beze antilòp bris la (li te vle m) chèf pati politik anba zesèl lannuit zwezo mirak pou fè fetich pou li anba mo yo ki koube epi powèm tètkalebobis la ki se yon mons pou m rele anmwe chatbaridèyè l men se pou ou menm tout lanmou sa a ye nan separe yonn a yonn jou yo ki san peche e ki gen kè sansib Poème en français |