Tibren plis moun lévé an sonmey-la pou alé voté dimanch pasé. Yo mété Alians Matinik douvan Gran sanblé pou Matinik kantapou La Martinique ensemble i pa rivé Ansanm pou péyi nou, mé bien douvan’y. Adan anbians-tala jik Lamontàn Pèlé mété kò’y ka brennen. Obsèvatwè-a di nou i konstaté dé brènman pa normal.

Es sé pou sa nouvo prézidan la CTM-la, fè gran penteng Latrénel?

Apré Serjo, SeLe nou ni an nouvo prézidan ki di:

— Lekchi-a mi, man pé déviré!

Magré anlè Chaben té douvan, lè yo mété votman Fodfrans, i pasé douvan épi aprochan kat mil vwa douvan.  Sa ki té ja douvan, rété douvan épi tibren plis vwa a.

Asiparé komkidiré nouvo prézidan-an anonsé i ké jwenn tout sé kandida-a. Kisa i ké propozé yo? I té kritiké prézidan avan-an, pou di komva i té ké pran tout sé pos-la. Vandrèdi nou ké wè ki manniè krab-la ka dékalé. Nou tout sav, sa mel ka di an piébwa, sé pa menm bagay i ka di lè i atè.

Nou tout ka espéré twaziem touw-la vandrèdi, pou éleksion prézidan konsey ékzékitiv ek prézidan konsey lasanblé. Es Chaben ké janbé pit kon yonn té fè an 2015 ? Es i ké mété Chaben prézidan lasanblé?

Antouléka misié di:

— Man pa éli prézidan, mé man sé ann éli!

Tout nouvo balié ka balié bien, es nouvo prézidan-an ké respekté tousa i di pandan kanpàn-lan.

Es nouvo prézidan-an ké ni asé pos pou pa konté anlè lèrestan lopozision?

Adjilbè di mwen konsa:

— Fout man té ké enmen ni ann Alians Matinik pou ni an Gran sanblé Matinik asiré La Martinique té ké ansanm é poutoutbon nou té ké rivé Ansanm pou péyi-nou dévoplé!

Mé sa sé an pies siléma, i wè’y afiché, es i ké jwé?

Jid

Bel poveb kréyol 618

«Si ou pa krapo, pa tonbé an ma!».

*

Sommaire Kréyolad