Lendi 8 mas, Jounen Entènasional Fanm ka lité pou dwa-yo respekté. Pliziè organizasion, asosiasion, sendika, yo kolé tet kolé zépol pou palantjé dwa fanm. 

Trop fanm ka sibi violans, toupannan épi zafè viryis-la sé yo ka travay lopital, ka otjipé di granmoun, ka fè lontwayaj, ka travay dan konmes pou an ti-lanmonné kod.

Yo désidé palantjé dwa yo.

An kay-la, an gran-chimen yo ka sibi tout kalté atrosité, tann trop vié pawol, ek sibi vié kanman. Anplis di zafè kovid-la, kò-yo pa vid, non selman ni travay an kay-la pou ménaj, atjelman yo ni an plis, télétravay. Fok pa kwè sé douvan télé yo asiz ka travay. Non, sé pa sa pies toubannman. Sé douvan ordinatè yo, jounen-an ka pasé. Yo an travay a domisil é yo pé pa ni tan fè manjé. Télé-travay ka mété yo antravè. Manjé-yo ka brilé.

Anlo fanm lè sé pa mari-yo ki malad épi klordékòn, sé yo menm ki pri pas yo simen podui-a anba bannann.

Jounen-tala té red pou an konpè Adjilbè. Misié kouri genyen an bel boutjé flè ba madanm-li, ek i mété tout dan’y lablanni pou di’y: Bòn fet fanm!

Madanm-lan boutfé misié épi yan kalté bok. Mi sa i di’y:

— Man pa bizwen flè’w! Sa man lé sé respé. Lè man lontwayé kay-la pou’w pa sali’y oben kité limié limen. Fok man ka pasé dèyè’w kon an ti-bébé!

Misié té wont telman, i té anvi antré an tè. I vini wè Adjilbè ek i di’y konsa:

— Man lé kwè ké ni an jounen pou dwa Moun, éti fanm épi nonm ké kantékant ka respekté kò-yo yonn-a-lot. Man pa sav si sé an lespwa mal-papay, mé fwenk man té ké anvi sa rivé lamenm pou Matinik ek éti tout moun ka pran fè anba ladjè, mank konprinet moun oliwon latè!

Man anvi batjé an rev boug-la tou, pou sa fet direktiman.

Jid

Bel poveb kréyol 562

«Fanm sav yo sé fanm».

*

Sommaire Kréyolad