Dépi simenn pasé, Bak koumansé é ni plis manman ek papa yich ki entjet. Anlo jénes ka pran’y koul kon yo ka di. Yo pa ka dig trop anlè sa.

Adan zafè bak-tala pa koté Kaz-Pilot, misié Limè di i pa lé mennen bak épi pèsonn adan an zafè bato ki té pou akosté anlè tjé-a. Misié pran moun pou ti bakatrel, i anni di i pa okouran. Sé ki an juiyé té ni direktiman an bak ki té pou akosté anlè tjé-a.

Antouléka, sé manmay-la ni entérè bien travay pou érisi bak-yo pas sa ki té Lisé Chelchè pa oblijé trouvé plas lanné prochenn.

Adjilbè di mwen i konnet an boug Sent-Lisi ki di’y:

— Langlitè fè an bretsik épi Léwop, I pa sav sa sa vlé di mé I konpran ki sé mésié kasé lo épi Léwop!

Mwen menm konnet yonndé moun ki anrajé kont Léwop, menmsi i ka fè lawout épi kisasayésa. Sirtou épi léro ka fè létè an lanmen’w, yo pa kontan pies toubannman. Yo ka mandé pou Lafrans fè menm bagay la ek viré o fran.

Mé es lavi-a ké bésé?

Man pa djè kwè pies, pas dapré mwen, machandiz ka rété toujou pli chè. Pen-an ka kouté plis ki an éro es i ké kouté an fran?

Menmsi té ni manif kont an lwa ka fè kònri, ni anlo moun ki pa menm défilé, dapré yo i ja voté. Sendika ka vréyé labou mé anlo travayé ka sanm yo bien manfoupamal.

Si lwa-a pasé ek nou ké tibren pli alèz?

Si zot sav fè di mwen, pas dapré mwen si fran viré, komersan pé ké bésé pri mé asiré yo ké konverti.

Asiré an bak pé ké mwen chè, menmsi ou trapé bak ou!

Jid

* * *

Sommaire Kréyolad

 Viré monté