Pa koté Diaman¹ lasimenm pasé, anlo moun touris kon jan Dianman té estébékwé. Yo pa té lé kwè sa zié-yo té ka wè-a dan an katchimen. Anlo lariè té a lavwéri toupannan yo té ka fè pòtré-yo.

An konpè Adjilbè ki pa enmen fè lafet pies di mwen bouch anbabra:

— Sé fes-la té blenm akondi patat set simenn!

Dapré misié sé boug-la té pé alé pran pliziè ben lanmè pou té sa pran titak koulè.

Anfen anlo moun anba chok-la, pas yo pé pa kwé sé ka ki fet.

Antouléka sé gran lanmod kay sé boug-la ka jwé ribi-a. Fè foto toutouni pou mété asou almanna. Sé gran lanmod adan sé étjip-tala. Si sa sé mes ayè, menmsi ni étijip ribi isi-a, fim-tala afiché mé i pé ké jwé adan pies siléma.

Sa fè moun lévé mouch-wouj, pas sa pa adan mes moun isi. Moun touni sé an chanm sa ka rété menmsi nou sav nou enmen imité é pa bliyé «imité ka détenn».

Asiparé komkidiré yo jik mandé moun manifesté dan an gwo défilé.

Es adan défilé-a jennjan ké ni pantalon-yo anba fes-yo?

Es té tifi-a ké ni bouden yo a lavwéri pou montré persin-yo?

Si zot sav, fè di mwen.

Ann atandan man ka alé chaché fouyé djanpal oben yanm-sasa² an bwa. Pas anlè laplas³ sa vini ra kon zé bourik.

Asiré pa pétet, yanm-lan ké chè magré sé jou-tala lavi-a pa bon maché.

Jid

Not pou konprann

1. Des joueurs de rugby ont posé nu lors d’un shooting dans la commune du Diamant en vue de produire un calendrier. Des sanctions sont envisagées à leur encontre par la direction du club.
    
2. L’igname se raréfie à cause d’un champignon et la récolte n’est pas au rendez-vous.
    
3. Laplas: Marché.
    

Bel poveb kréyol 742

«Ti-poul suiv ti-kanna i mò néyé».

*

Sommaire Kréyolad

 Viré monté