Sé pa selman pou vié-viann
Asiré tou, sé pou tout jenn
Solèy ka lévé pou yo pa rété blenm
Kon an patat set simenn.

Yo pé an dévenn
Ek yo pé ké sa manjé denn
Si yo pran an vié kout chenn.

Pou nou ba tonbé dan ladévenn
Pengad sa nou ka di pandan karenm
Pou nou pa ni apenn fini kon blanbalenn.

Karenm pa moman pou krenn
Bien-okontrè pa rété séré anba lenn
Pou pa trapé pies kout lienn.

Yo di imité ka détenn
Mé si ou alé ralé an senn
Asiré pa patet ou pou jwenn
An bel blaff osi bon ki denn
Ki pé fè’w karé kon an kodenn.

Pa karé kon kodenn
Karenm sé pa tan pou’w sa plenn
Mé pou kabéché asou sa ki pli an dévenn
Pengad, sa nou ka fè pandan karenm.

Jid, 14.03.19

 Viré monté