An févriyé travayè ka vriyé
Menmsi yo pa toujou bien abiyé
Lè mwa-tala rivé, yo ka lonviyé
Pas yo bien konnet kalandriyé
Yo sav lè larékot la, yo ka griyé
Anba solèy, laswè yo ka gaspiyé
Pa-koutla yo paré trapé bel biyé
Yo ka fè grev, yo lé brizé piyé
Yo ka mandé vòlè pa fouyé
Gwo lanmen voras yo ka rifizé péyé
Yo pa lé péyé yo épi gwo biyé
Mé épi lanmonné kod ka kayé
Pou rété an poch yo, yo fouyé
Tè kisiswa lalin, prèmié o dènié katié
Yo toujou ka zayé
E asiré mwa févriyé
Yo toujou bien paré, pa pou makayé
Mé bien pou yo pa kayé.

 Viré monté