Potomitan

Site de promotion des cultures et des langues créoles
Annou voyé kreyòl douvan douvan

Poukisa ?

Elsie SURÉNA

Poukisa toutou, m kontinye sonje w
Tankou tè sèk ki fann
Sonje lapli mwa jiyè ?

Poukisa cheri, m pa ka bliye w
Tankou yon papiyon bliye
Yon jou li te yon ti chini ?

Poukisa choupit, m toujou ap tann ou
Tankou prizonyè Lasnal
Ape tann jou liberasyon ?

Poukisa dou, m ap veye retounan w
Tankou pasajèz kanntè
Ap veye parèt limyè Mayami?

Poukisa chouchou, lanmou tòde kè ranm
Tankou zòt tòde lè li pran kout rigwaz
Nan mitan rèl do nan kanaval?

Poukisa nèg, malgre sa, m renmen w toujou?

Extrait de «Mélodies pour Soirs de Fine Pluie»

Viré monté