Anderson Dovilas komanse powèm nan ak de fraz ki montre ke li menm ak peyi-l makonen byen lontan «Se pa jodi a nou ansanm/Nou pa janm detenn» se komsi m te ka di son batiman lanmou powèt la gen nan kè l pou peyi l malgre distans ki separe yo, li montre ke son flanm lanmou ki anndan kè l ki pa ka etenn fasil, lanmou vle di pasyans e se sa ki yon vrè lanmou «Pasyans nou lonje/Nan nanm nou san longè» sètadi yon pasyans ke nou pa ka mezire, powèt la aprann nou renmen peyi n nan langay li, li montre ke se lè l panse a peyi l li santi l byen «Mwen sere w anndan m/Lè m anvi moun» Powèt la desine li menm ak peyi l ak anpil bèl kout kreyon nan powèm nan «Nou tou lè de/ Son lalad men nan kou/Je lanvè anba kabann» powèt la montre ke lanmou-l gen nan kè-l pou peyi l la s’on depasman, tankou m te ka di powèt la damou fou «Lanmou- m pou ou/ S’on sekous madichon/Ki kenbe-m nan zantray/Kote-m pase li avili- m» li montre anko lè l anvi wè peyi l pa gen obstak li pap travèse «Lè m anvi wè peyi- m/Solèy sa a m wè la pa ka kenbe m.»

 Viré monté