Chak maten, apèn solèy la kouri dèyè nwit lan
Kafe gentan ap koule nan kwizin nan
Dlo komanse lave je, detire kò ap pouse do dòmi
Gason ap mare kanson pou al kase mayi mi
Fanm kenbe bale pou retire fatra devan kay
Chay gentan nan sakpay
Ap peze do timal
Pou mennen nan mache piyay

Timoun lekol  komanse repase leson
Manman nan kwizin ap prepare kolasyon
Klòch Pèpetyèl sonnen, lanjelis komanse
Lapriyè kretyen vivan monte, larouze fin degoute
Machann ap desann lavil pou ale brase
Detaye machandis, chèche fè kèk adoken

*

 Viré monté