Ka sa yé on pèp ?

On pèp sé on popilasyon moun, yo ni menm istwa-la ; on menm oswa plizyè menm Bondyé; on menm oswa plizyè menm lang, épi, yo ni santiman yotout sé menm.

On pèp, souvaman, ni on péyi ki ta-y, èvè on menm bònaj. Si nou ka pwan ka a péyi Gwadloup, parapòt a tousa nou sòti di, pèp Gwadloup sé on pèp é a pa pétèt nou sé timoun a pèp-lasa.

Qu’est-ce qu’un peuple ?

Un peuple est une collectivité caractérisée par une histoire commune, une ou des religions communes, une ou des langues communes, et un sentiment identitaire.

Un peuple possède le plus souvent un territoire commun et des frontières communes. Vu sous cet angle, le peuple guadeloupéen existe et nous sommes bien entendu fils et filles de ce peuple.

Ka sa yé on nasyon ?

On nasyon astè, ka touvé-y sé on pèp aprédavwa i pwan konsyans a sa i yé, aprédavwa i konpwann i ni dwa vlé sa i vlé, asi jan i té ké enmé kontwolé istwa a-y ; ka pòté mannèv pou ni on gouvèlman ki ta-y, on gouvèlman ka pwotéjé tout dwa a-y. Mé avan sa rivé, é atoupannan i ka pòté mannèv pou sa rivé, i ja ka chèché ansanm-ansanm kijan lidé i pou ni, asèlfen dèmen pli bèl.

Parapòt a tousa, sa ka sanm sa on jan rèd pou pèp-Gwadloup rivé vin nasyon-Gwadloup : sa pòkò sa.

Qu’est-ce qu’une nation ?

Une nation, c’est un peuple qui, ayant reconnu sa spécificité et son droit à la souveraineté, aspire à se doter d’un état garantissant ses droits et se dote simultanément d’un projet commun qui le soude et le projette vers l’avenir.

Vu sous cet angle, notre peuple est bien un peuple, mais a encore du mal à s’identifier comme nation.

Annou fè on sipozisyon.

Annou fè on sipozisyon, annou gadévwè si kréyolité an-nou pa té ké lidé-la noutout bizwen la pou ban-nou balan, rédé-nou janbé bayé ka séparé pèp é nasyon, pou nou arèsté rété pèp-Gwadloup, pou nou rivé vin nasyon-Gwadloup. Tansèlman fo nou sav sa kay pé rivé anni si nou ka chèché fouyé lidé-lasa, fouyé bon fouyé-la, é si nou, ansanm-ansanm, ka asèpté rèkonnèt sé lidé an-noutout, noutout ka sipòté ba-y.

Une hypothèse.

Notre hypothèse de travail est que la créolité pourrait bien être ce qui fera de notre peuple une nation, à condition bien entendu que cette créolité nous l’approfondissions et l’assumions pleinement et collectivement.

Asi zafè a métisaj-la.

Kèsyon a vlé sav ka ki métisaj, sé on kèsyon i toujou tòtòy limanité, davwa vlé konpwann zafè a métisaj, sa vlé di konpwann ka ki idantité a moun.

Larézon pou lakòz pwoblèm-lasa toujou pozé, dépi nanni-nannan, toupatou asi latè, sé padavwa, kèlanswa moun-la, moun toujou ka pozé-yo menm kèsyon-la: on jou an konsi, on jou an konsa, kimoun an yé menm an final di kont ? Ès an sé toujou menm moun-la dépi jou an fèt jistan an mò? Ès déparfwa an pa onlòt moun?

La question du métissage.

La question du métissage est un problème fondamental de l’humanité, car c’est le problème de la nature de l’identité humaine. Problème universel donc, puisqu’il n’est point d’homme sur la planète Terre qui ne se pose la question de savoir qui il est véritablement.

Asi idantité a moun.

Fo nou sav, kèsyon asi idantité a moun, chèché konpwann ka chakmoun yé pou tout bon, kèsyon-lasa toujou bwaré èvè sa yo ka kriyé dyalèktik a ka ki menm é ka ki lòt. Mwenmenm mwenmenm an-mwen, ès an toujou mwenmenm? Es adan mwen tini akontinyé asé mwenmenm pou mwen andwa di, asiré pa pétèt, an sé mwen? Ès mwenmenm an-mwen menm-parèy èvè dòt moun? Sa ka parèt an mitan limyè a réflèksyon asi ka ki mwen, sa yo ka kriyé fénoménoloji a mwen, sé toujou chèché konpwann ka mwen yé, parapòt a jan mwen ka déplasé adan tan a lavi, atoupannan tan a lavi-lasa ka vansé vansé a-y. Sé sa yo kriyé on réflèksyon dyakronik, kivédi konparé mwenmenm èvè mwenmenm adan tan a lavi.

Anmenmditan an ka konparé mwenmenm èvè sé lézòt-la, adan jan mwen toujou lyanné èvè lézòt, adan sa yo ka kriyé on kalité mitsein, kivédi on mannyè senkronik.

A propos d’identité.

L’interrogation identitaire s’articule autour de la dialectique du même et de l’autre. Suis-je identique à moi-même? Y a-t-il suffisamment de permanence en moi pour que je puisse affirmer mon identité? Suis-je identique aux autres? Une phénoménologie du moi tente d’en approcher la nature, tant dans son devenir, de façon diachronique, que dans sa dimension de mitsein, de façon synchronique.

Ola difikilté-la sòti ?

Kifè adan sé péyi oksidan-la, yo pa janmé pwan bon chimen pou té pwoché pwoblèm a idantité a moun, sé padavwa yo toujou rété adan idéoloji a Latotalité a Yonn, kon nou ka di an Kréyòl «monyonn é montout», on idéoloji ka di «Menm sé Menm, é  Lòt sé Lòt», san yo pé janmé rivé mélanjé, ni menm rivé kontré. Konmkwa Linivè té menm oswa Linivè té lòt. Swa menm, swa lòt, kon lanvè é landwèt, mé pa janmé sé dé-la an menm tan. Pwoblèm-lasa toujou wouvin dépi syèktan, é toujou woupozé menmjan-la, kisé ni syèktan, adan lékòl grèk a Elé, on lékòl yo kriyé Eléatism, kisé adan onlòt lékòl grèk a Eraklit, yo kriyé Eraklitéism. Sa ki menm sé sa ki bon, sa ki vré sa ki jis, sa ki vyèrj ; é tousa ki pa menm, sé tousa ki pa bon, pa vré, pa jis, pa vyèrj. E sa rété konsa pannan trant syèk ola tout lidé té pou fann an dé pou an dé.

D’où vient la difficulté ?

Ce qui a bloqué l’approche identitaire en Occident c’est qu’elle a été traitée par des religions ou des idéologies de l’Absolu qui opposaient le Même et l’Autre dans une incompatibilité métaphysique. L’Univers était Même ou l’Univers était Autre. Récurrente alternative. Eléastisme¹ contre Héraclitéisme². Les Mêmes sont les Bons, les Purs, les Justes; les Autres sont les Faux, les Impurs, les Mauvais. Trente siècles de pensée dichotomique.

Lidé a Kréyòl.

Lidé a kréyòl, kivédi chèché konpwann ka sa yé on moun kréyòl, vin parèt jistikont adan on tan ola moun té ka fè réflèksyon asi ka ki Labsoli, sa nou kriyé talè-la «Latotalité a Menm-la». An tan-lasa, pwoblèm a ras blan vin pozé. Moun ki té blan é krétyen, sé yo ki té bon, vyèrj, vré, jist, sipéryè. Tousa ki pa té blan é krétyen, té mové, sal, enféryè. Sa vin fè on lagyè a moralité ant Menm-la é Lòt-la, ant Blan é krétyen kont tousa ki pa té blan é krétyen. E Menm-la pa té pé sipòté, menm on timòso a-y té pé mélanjé èvè Lòt-la.

La naissance du concept.

La naissance du concept de Créole apparaît dans une période de confrontation des idéologies de l’Absolu où un Même, la race blanche, pure et chrétienne, affrontait un Autre sans visage, mais forcément inférieur et impur. La guerre du Même et de l’Autre devenait l’essence de la relation. Et dans cette guerre impitoyable, le Même ne pouvait souffrir qu’une partie, fût-ce infime de lui-même, se mélangeât à l’autre.

Bata-la.

Tousa pou di, dépi okomansman, lidé a ègzistans a moun kréyòl, té ja on lidé ki té ni on tach té ka sali-y. On lidé a péyi Léwòp yo ay wouplanté an péyi tropical. On lidé konmkwa té ké ni on varyété blan krétyen, ki pa té ké toutafètman menm-la, ki té ké onjan enféryè davwa yo té ké lésé kò a-yo alé, yo té ké chèché mélanjé, métisé, èvè Lòt-la. Kifè, pannan syèktan, adan enkonsyan a loksidan krétyen, tousa ki kréyòl sé tousa ki bata. On Kréyòl pa menm parèy èvè Menm-la, kanmenmsi i pòkò toutafètman Lòt-la. On Kréyol ka touvé-y ant fit é fant, on tanbou a dé bonda, on trèt.

Le Bâtard.

L’idée de Créole est donc, dès l’origine, entachée de discrédit. C’est une idée européenne transplantée sous les Tropiques. L’idée d’une espèce d’homme qui aurait démérité de son espèce originelle et qui serait devenu sous-espèce en se laissant aller au mélange, au métissage. Le Créole flottera des siècles durant dans l’Inconscient tourmenté de l’Occident, comme la figure exilée du Bâtard. Celui qui a cessé d’être nous-même, mais qui n’est pas non plus radicalement autre. Un entre-deux métastable. Un traître virtuel. En tout état de cause, un faux-frère.

An bout a golèt.

Sa kontinyé konsa, sosyété kréyòl-la kontinyé vansé vansé a-y, on lang kréyòl vin fèt, mès é labitid kréyòl dévlopé, on jan manjé kréyòl, on jan konstwi kréyòl, on jan viv kréyòl, atoupannan sosyété éwopéyen-la té ka kontinyé gadé sé kréyòl-la, on jan jalou-yo, é an menm tan-la sa té ka dégouté-yo. Jalou yo té jalou la, sé sa ka menné ègzotism, an menm tan-la, dégouté-la té ka vini rasism.

Attraction - répulsion.

La société créole va s’élaborer, se créer une langue, des traditions, un art de vivre, mais la société européenne continuera à manifester à son égard un sentiment ambivalent d’attraction - répulsion. L’attraction facilitera l’ exotisme, la répulsion nourrira le racisme.

Kaskòd.

Kanmenmsa, sosyété kréyòl-la kontinyé vansé, vansé a-y, ka fè pwòp réflèksyon a-y asi-y menm, é i fin pa vin on sosyété ki pwan doubout a-y.

Sosyété kréyòl-la pa ka konpwan kijan fè éwopéyen-la toujou méprizé-y, ka i té fè sosyété éwopéyen-la pou i té toujou vlé fè konpwann i té enféryè. E mi sé la sosyété kréyòl-la konmansé débarasé-y èvè tout vyé lidé Léwòp té toujou miganné adan-y; i konmansé ka fè pwòp révolisyon adan lidé a-y. Kon Kant, on filozòf alman, té ké di révolisyon-lasa té on boulvèsman menmjan èvè boulvèsman on astronòm poloné yo té kriyé Kopèrnik, té fè lè i té démontré tout planèt ka touné asi yomenm, atoupannan yo ka touné alantou a solèy-la. Eben, révolisyon kréyòl-la té menmjan boulvèsman, padavwa i té ka débarasé-y èvè on vyé lidé konmkwa sé Léwòp ki té mitan a tout bon é bèl biten. Sa yo té ka kriyé Ètnosantrism éwopéyen té fin bat, é pou sosyété kréyòl-la sé limenm ki té pou réfléchi asi limenm a-y. Sé Léwòp té ka vin lotbò-dlo é sosyété kréyòl-la té anmitan a-y menm, ka gadé-y adan pwòp glas a-y. Biten-la vin chanjé bout pou bout.

La rupture.

La société créole néanmoins poursuit son épanouissement. Elle engendre son système de pensée propre et, devenue adulte, elle s’interroge, elle s’étonne de la dévalorisation dont elle a été séculairement victime. Elle décide de se penser et, s’assumant, elle opère une véritable révolution copernicienne³, au sens kantien⁴ du terme. Elle s’affranchit de l’ethnocentrisme européen, et se pose comme sujet - objet de sa propre réflexion. L’outre – océan n’est plus son mutilant mirage. Le point de départ est changé: le lointain périphérique se proclame auto – miroir et source de pensée.

Lakréyolité.

E mi sé konsa nou ka vwè sa yo kriyé Lakréyolité vin touvé-y sé réflèksyon a moun kréyòl asi idantité kréyòl, pou Kréyòl, èvè Kréyòl. Prèmyé konstatasyon a réflèksyon-lasa sé fo pa Kréyòl hont sa i yé. Mélanjé, métisé Lòt-la èvè Menm-la a pa on péché ni on malédisyon. A pa menm on biten èkstraordinè, davwa sé sa limanité toujou fè, dépi Latè té Latè é dépi Lavi té Lavi.

La créolité.

Ainsi va apparaître la Créolité, réflexion analytique menée sur l’Identité créole par les Créoles eux-mêmes. La première découverte de cette quête nouvelle est que le mélange né de l’Identité de l’Altérité n’est ni une faute, ni une infamie, ni une dégénérescence, ni même une singularité. Ce mélange est tout simplement la loi du monde et de la vie.

Limanizasyon.

Kifè, sa yo ka kriyé Limanizasyon, sé onsèl kréyolizasyon ki pa ka janmé bout. Tout pèp toujou déplasé, toujou bokanté, toujou fè lagè, é toujou mélanjé. Dépi toultan, sa té toujou konsa, sa té toujou «bay koko pou savon», kif kilti, ras, mès é labitid naté yonn adan lòt, toujou lyanné. E sé konsa on ti dégout à yonn toujou vin fè lòt-la pli rich. Tout gran Nasyon , sé gran Wa é Anprè toujou fè la, kisé Ejipsyen, Enka, Astèk, Grèk, Women  eksétéra, yotout toujou fè aksélérasyon a sé mélanj-lasa.

L’Humanisation.

L’Humanisation n’est qu’une créolisation perpétuellement inachevée. Par le jeu des migrations, des échanges et des guerres, des acculturations et des déculturations, les cultures se mêlent, se tissent et se métissent dans un immense «métier à métisser». Par conjugaison inlassable, une infinie diversité enrichit l’unité initiale. Les Empires contribuèrent à ce brassage. D’un monde mêlé naquirent les Sang - mêlés.

Idantité miganné.

Limanité sé onsèl bari boutèy krazé, san a tout ras toujou mélanjé. Istwa a limanité sé an menm di tan, mayaj menm a Kréyòlité-la atoupannan sé pli bèl viktwa. Kifè jòdi-jou, Kréyòl-la débarasé-y èvè tout pè i té pè, parapòt a idanté a Menm-la é Lòt-la; Kréyòl-la jòdla ka pwan balan a-y é ka di pou toutmoun tann é konpwann, i ni on idanté miganné.

Identité plurielle.

Tout homme est sang – mêlé. Si bien que l’histoire de l’Humanité est dans son essence, à la fois la matrice de la Créolité et sa glorieuse épiphanie. Affranchi de toute crainte du Même comme de l’Autre, le Créole d’aujourd’hui s’épanouit dans une identité nouvelle qu’il ose proclamer et entend revendiquer: l’Identité plurielle.

Lakréyolité: bonnè a Limanité.

Pou pli bèl lidé-lasa, yo ka kriyé Lakréyolité, pwan tout balan a-y, fo moun vlé sa rivé a tout fòs, davwa toutmoun sav kijan alè tout pèp on jan ka pèd lakat, é ka chèché ki lidé ké ba-y plis fòs.

Lakréyolité sé di toutmoun sé moun akaz-y toutpatou asi latè. Mé pousa fo noutout é nouchak ka wouvè kè an-nou.

Lakréyolité sé débarasé moun èvè tout vyé lidé-lontan asi diférans à moun, asi ras, asi rèlijion, sé di asi Latè-la ki tan-noutout la, ponmoun pa étranjé.

Lakréyolité sé di, ponmoun pa andwa fèmé-y asi limenm, arèsté èvè zafè a moun ka rèsté fèmé adan menm kominoté moun-la, ka rèsté yenki yomenm èvè yomenm, kisé pas yo té ké ni menm ras, oswa menm rèlijyon.

Sé sé kalité vyé lidé-lasa ka fè moun vin fanatik. Sé sé vyé lidé-lasa ka fè désèrten vlé fè on ras san pon kalité mélanj. Sé sa yo ka kriyé «purification ethnique».

Lakréyolité ké opozé tout pèp kay vwè jou chapé anba zong démon a on rasizm ki toujou paré pou wouvini.

Si tout pèp ka adòpté prensip a Lakréyolité, sa ké vin on dwa pou toutmoun.

Alòs, nou ké pé di Lakréyolité a pa on mòd, mé on dèvwa an menm tan ki bonnè à Limanité. I ké vin konsidiré pli bèl flè bèlté a Limanism.

La Créolité: bonheur de l’Humanité.

L’Idéal de la Créolité dont la réalisation ne peut être que volontaire, répond parfaitement aux attentes de notre monde déboussolé, en perte d’idéaux, en quête de valeurs. Il affirme la possibilité pour chaque être humain d’être chez lui où qu’il soit dans le monde, à condition de savoir ouvrir son cœur. Il affirme la prééminence de la diversité sur toute réduction éliminatrice.

Il donne à tout être humain la chance inouïe de n’être nulle part un étranger.

Il dénonce le communautarisme comme repli identitaire ethnico-religieux, porteur de fanatismes latents. Il dénonce tout velléité d’épuration ou de purification ethnique considérée comme radicalement blâmable. Il permettra aux peuples en gestation d’échapper aux démons d’un racisme éternellement renaissant. Il trace, par la grâce du respect réciproque, l’avenir de l’Humanité. Et la Créolité pourra figurer comme un droit inextinguible en prélude de toute Déclaration des Droits de l’Homme. La Créolité n’est pas une mode. Elle est un devoir, un bonheur, et un achèvement. Elle est le Sceau de l’Humanisme.

On Gid pou nasyon Gwadloup.

Kanta pou pèp Gwadloup sa ki toujou frenné-y asi chimen nasyon-Gwadloup, sé sé vyé lidé ras-la yo toujou chèché simé asi chimen-lasa. Yo toujou chèché monté ni bon é bèl ras, mové ras, vyé ras. Sé sé kalité lidé-lasa kifè nou toujou chèché konnèt rasin an-nou, kivédi ola nou sòti, olyé chèché fè lidé an-nou asi ka pou dèmen yé pou nou. Sa vré nou té bizwen sav ola nou té sòti, é jòdi nou pa andwa oubliyé istwa an-nou, mé si nou vlé nasyon Gwadloup pwan doubout, nou ni pou nou dépasé sa, é konmansé konstrui chimen a dèmen pou nou di ola nou vlé chimen-lasa menné nou. E sé kréyolité-la ké sèvi nou gid adan réflèksyon-lasa.

Pour un projet commun.

Concernant notre peuple, le peuple guadeloupéen, son passage de l’état de peuple à l’état de nation a été singulièrement ralenti par la permanence de consciences raciales exacerbées, chacune s’imaginant exclusive et jetant discrètement l’anathème sur les autres. Cet antagonisme du Même et de l’Autre, fondé sur l’idée mythique de race a privilégié la recherche des racines au détriment de l’imagination des lendemains. Il fallait que mémoire se fît. Et il faut que mémoire se conserve. Mais si on veut que ce peuple ne soit pas une nation avortée, une nation mort-née, il lui faut maintenant sans plus tarder revendiquer haut et fort ce qui est déjà le quotidien de la plupart, mais qui doit devenir l’idéal de tous: sa Créolité. L’assomption plénière et heureuse de notre Créolité constitue l’indispensable assise de ce projet commun sans lequel jamais notre peuple ne deviendra une nation.

Annou bay lanmen pou nou fè onsèl.

Lè an ka di an sé on kréyòl jòdi-jou, sa vlé di an pa tousèl tousèl an-mwen, kont tout larèstan Limanité, mé an sé rézilta a on mélanj a tout Limanité, on rézilta ki pa ka janmé arèsté mélanjé, ki toujou ka lésé on pòt gran wouvè asi tout posibilité kontinyé. Lòt-la pa ka fè-mwen pè, davwa ki li, ki mwen sé menm mélanj-la, é sa yo kriyé idantité sé konsidiré magma andidan latè ka bouyonné ajékontinyé. Tout idantité ka vin on pliralité, ka rann-li pli bèl an pli bèl. Chakmoun ka vansé asi chakmoun, ka ba-y lanmen pou fè onsèl. Nanm kréyòl-la ka touvé-y ka janbé sa yo té ka kriyé, ki sé ras, ki sé lang, ka janbé tout diférans pou rivé fè on moun vin moun a tout latè.

Un être planétaire.

Etre créole, c’est découvrir que mon moi n’est pas seul contre tous, mais que tous sont en moi, et que je suis la fabuleuse résultante de confrontations à jamais inachevées. Protéiforme, mon identité sort de son enfermement et s’ouvre à tous les vents du monde. L’autre ne me fait plus peur; il est mon horizon comme je suis le sien. L’identité devient vibrante, magmatique, fusionnelle; elle devient plurielle et s’embellit des nouvelles pensées surgissant aux confins de son élargissement. Le sujet échappe à tout autisme; il va vers l’autre, l’accueille; il intègre à sa propre unicité les meilleures des différences. L’âme du Créole est mosaïque. Et cet élargissement à tous les mondes connus, au-delà de la frontière des langues, fait du Créole un être planétaire.

La kréyolité : pli bèl lidé

Kifèwvwè, davwa la kréyolité pa on timòso à lidé a Léwòp é a koloni i té ni, jòdijou, Lakréyolité ka touvé-y sé pli bèl lidé pou toutmoun asi latè. Vlé pa vlé, Lafwans é Léwòp ké oblijé kréyolisé-yo oswa yo ké disparèt.

Un Idéal universel.

Ainsi, la Créolité n’est plus un appendice souffrant d’Empires coloniaux défunts, elle devient un Idéal: l’Idéal obligé de toute culture à vocation universelle. La France se créolise. L’Europe deviendra créole, ou bien ne sera.

Notes  

1. Eléatisme. Doctrine grecque prêtée à Parménide d’Elée (515-440) qui affirmait que l’Etre était immobile et que le mouvement était pure illusion. L’Un n’est pas l’Autre, l’Autre est une illusion.
    
2. Héraclitéisme. Doctrine grecque prêtée à Héraclite d’Ephèse (550-480) qui affirmait que tout n’est que changement. «panta rei». Tout coule. L’Un est une illusion. Tout est Autre.
    
3. Copernic Nicolas. Astronome polonais (1473-1545) fit l’hypothèse du mouvement de la Terre et des autres planètes autour du Soleil, rompant ainsi avec la conception géocentrique du monde, il opéra une véritable révolution de la Science.
    
4. Kant (1724-1804). Philosophe allemand qui dénonça comme illusoires les philosophies de l’Absolu

Hommage rendu  

A  

Jean BERNABE
Patrick CHAMOISEAU
Raphaël CONFIANT
Edouard GLISSANT

Et à la pléiade de chercheurs talentueux
qui tous, chacun à son niveau,
ont décidé de promouvoir la créolité.