Kaz | Enfo | Ayiti | Litérati | KAPES | Kont | Fowòm | Lyannaj | Pwèm | Plan |
Accueil | Actualité | Haïti | Bibliographie | CAPES | Contes | Forum | Liens | Poèmes | Sommaire |
Fables créoles seychelloises
Rodolphine YOUNG
Le loup, la mère et l'enfant
Enn doumoun enn fwa, ti fin fè son la kaz, lwen dan bwa.
En zou Loulou i vin maské obò la kaz, pou rod manzé.
Dipi lontan, i ti aprè véyé, i ti komans fatigé;
I ti pros pou i alé. La i tann en piti kriyé. I tann son Maman di:
«Si ou pa bous ou la gel, mwa zet ou ek Loulou…»
(Pti mamay bon ragou sa, pou Loulou).
Loulou i komans aranz son la gel déza.
Piti koma i tann nom Loulou, i kriyé koma sat matou.
Alors fanm la i di: «Mon piti, pa pè. Si Loulou i vini,
Nou a touy li koma en vié sien.»
Msié i tann sa i di: «Sa pa bien, sa ak fè koz dé paòl?
Mé nayen; si mo zwenn sa pti mamay la déhò,
I a kòn mwa.»… Koma i di sa, enn li sien i antré dan la kou.
I sot lò Konpè Loulou, i aret li. Bann zans i vini ek baton,
Zot demann Loulou: «Ki ou fè la?» Loulou i di: «Mo ti aprè pasé,
Mo tann Madanm la kozé. Mo ti kwa tou pa`pl blan i la vérité;
Mé mo wa bien ki sa pa kom sa.» Fanm la i di:
«E ou, Loulou; eski ou kwa mo ti a dòn ou mon piti,
Ki mo ti gangn la pèn pot nef mwa dan mon vant?
Mé ou fou, ki ou gangné? La zot tou i tom lò Loulou,
Asom li koma zwit. Aprè sa zot touy li.
Version de La Fontaine en français ici.