En zou en gran pié sèn i di ek pié rozo:
«Vrè; sa i fè mwa la penn war ou pous kom sa o bò di lo
Koma di en pti zanfan ki n’a pa maman,
Pli pti di van, i fè ou pliy an dé.
Zou gran la pli, ou pa kwar magniè mo sagren.
Ler la riviè i débòdé, i kouvè ou. Kom si mo gangn pè di lo va amèn ou.
Ankor, si ou ti a vin kasiet an bas mon brans,
Mo ti a gardien ou bien ; mo pa ti a tranblé pou ou par»
Pié rozo i di: «Mersi ou bòn volonté; mé mo pa oulé al kasiet kot ou.
Mo bien kot mò été. Kan di van ek la pli i pas lò mwa,
Mo dòmi plat a ter, asé; mo pa bizwen tramé pou nayen.
Ler tou gran tapaz in pasé, mo drésé, mo lev dibout.
Tandi ki sa ki tini la tet, kek fwa i vir bout pou bout,
Ou kwa ou bien fò akoz ou pankor zwend ou met
Mé dan kek tan ou a touv li.»
I pa ti ankò fini kozé, ala en gran divan i arivé!
Gro pîé sèn i tini fò koma la ros. Rozo i bes an ba
Rafal di van i vin pli fò ankor. (Mo kwa ti dan koud van sa)
I dérasin pié sèn, an bas! !