En zou enn dimoun i trouv twa gof bon di miel.
I fer d’mann partou, ki s’enn la ki fin perdi sa.
Mous zonn i ariv prémié. I di: «Sa pou mwa, sa.»
Sa doumoun i di: «Bé pran, si pou ou.»
Koma i di sa, mous di miel i arivé son tour. I sitini
Ki di miel la pou li. Mous zonn pa oulé konveni.
Ala zafè i al la polis. Ziz i anbarasé, aprézan.
I pa konné ki sa ki na rézon.
Témwen i di ti war pti bébèt plen siwo, sorti dan gof,
I di zot ti ana lé zel, ti parey pti mous di miel
Mous zonn i di sa son piti sa, ki zot ti barbouy ek siwo,
Pou anpes zot kriyé. Ziz pa konné ki i a di.
I ranvoy zafè dan ui zou, pou rod lot témwen.
Au bou ui zou, enn kantité dimoun i arivé pou sèvi témwen.
Zot kozé, kozé. Ziz pa war nayen.
La enn mous di miel i di: «Mé zot pa bizwen tou sa doumoun la
Pou kòn la vérité. Akouté, Votr Onè;
Fè nou fè di miel divan ou. Pa va bizwen lot la prev.
Sa ki va vin a bou fè di miel, li mem son met gof.
Mous zonn pa oulé konsanti sa magniè la,
La Ziz ti war kler. I rann mous di miel son gof,
I kondann mous zonn pey lamann.