Lapo fès ou pa ta’w
Ou asiz ant dé chèz
Ou fèt pou anbajouk
Ou kouyon kon dé pyé’w
Ou nwè kon lannuit
Ou pa ni nanm
Ou lèd kon sèt péché kapito
Ou ni gwo djol
Ou ni chivé grennen
Ou ka palé kaplaw
Ou ni koulè ya, ka mantjé lodè ya
Ou fenyan
Ou sé mondong
Ou sé soubawou
Ou sé bosal
Ou sé bitako
Ou sé madjendjen
Ou sé machapya
Ou sé souchyen
Ou sé yich konn
Ou sé tjoupèpè
Ou sé mamoukatji
Ou sé mouskouyon
Ou sé mongonyon
Ou sé ababa
Ou sé koutja
Ou sé anbabwa
Ou sé désandi
Ou sé mòwmyé
Ou sé agodonm dachin
Ou sé kokomakak
Ou sé zòdi
Ou sé tèbè
Ou sé tèt mabolo
Ou sé yich Cham
Ou sé ……….

Fout ou ni non
Pou an anyenditou !
An sèl baay man sav:
“Wou sé mwen
é
mwen sé wou.”
Pawol nofwap konpè lapen?