| Kaz | Enfo | Ayiti | Litérati | KAPES | Kont | Fowòm | Lyannaj | Pwèm | Plan |
| Accueil | Actualité | Haïti | Bibliographie | CAPES | Contes | Forum | Liens | Poèmes | Sommaire |
|
Péyi anba anba |
faire 30€ d'essence. Notons que je suis prioritaire (infirmier libéral).
La situation est critique mais utile. Tenons ferme!!!
Soutien au LKP et Collectif du 5 Février.
Péyi mwen
ka trésayi mwen.
Sé la mwen aprann
konprann
ki tini vant plen nannan,
ki tini vant gra,
ki tini vant plen van,
ki tini vant tou pla.
Sé la mwen aprann misiré
kouman listwa nèg maléré
anba donminasyon kolonizatè.
Yè èk jòdi sé menm zafè.
Dèmen ké plita plis tris,
kon vis san tounvis.
Ou tann !
Sé la mwen aprann
konnnèt valè sans koulè lapo,
matyé kon lakré asi tablo :
Pli’w nwè,
pli ou dèyè.
Pli’w blan,
pli ou douvan.
Èsklav, an lanmen douvan, an lanmen dèyè,
travay latè.
Lasyè èk san yo koulé.
Mèt-la volè
latè.
Awogans yo, gwo lajan yo ka sousounkléré.
Sé la mwen aprann konnèt
ki toujou ni mèt,
ki lavi ka ba nèg létyèt
nan tribilasyon entyèt.
Jis ka rann sèten nèg kamaléyon,
yo sélé imité lé blan patwon
lè yo ni gwo sitiyasyon,
gloupé lé piti kon gwo pwason.
Tini Bétyé
ka viv nan zékal yo.
Ant yo ka mayé
pou gadé lajan modi yo.
Tini Milat
ki kon Pons-Pilat.
Tini Zendyen
plonjé nan mayenmen.
Tini Nèg
ki divini dèg-dèg.
Lèspri malad.
Nanm malad.
Kò malad.
Yo sélé rann yo lad.
Poukisa tout ras péyi la
pé pa manjé nan menm pla.
Poukisa piti kon gwo
pé pa fè yo onlo bèl bo.
Poukisa Lafwans konprann yo ni tout lasyans,
ki nou pa ni konsyans.
Yo sélé ban nou landòmi nan bèl dans,
nan wélélé bèl anbyans,
san réfléchi nan lavi san sans.
© kounta/Jean-Pierre LAUHON
18 février 2009