Blip !

Bondyé senyè !!!
La’m yé ?
Mi chalè !
Mi fènwè !
Nan fou chabon ouvè,
nan lenfè sou latè,
nan simayaj lanmò,
nan silans bouch fèmen,
nan bidim senmityè.

SENPYÈ,
ou vlopé-tòché
nan twel-vapè-lasann-chodé.
Vòlkan LAPÈLE  Pliché’w !

Lachè’w,
zo’w,
zantray ou,
tounen woch.

Brilé,
koviyé,
machoké,
krazé,
chabonnen,
ou estébèdè,
ou tonbé léta,
ou bobi.

W’anni
rété sézi !!!

Kanyan, kagou,
malangi, dédou,
blèblè, koklèz,
nan langoudi
pyanm-pyanm.

Flanng déblozay.
Mak doulè.
Flanng soufrans.
Mak lanmò.
Flanng kanni.
Mak nwèsi.
Flanng kangn.

Kimafoutiyésa !!!

Sen-Pyè ?
Sen-Pyè ?
SEN-PYÈ !!!

Wéti sousounklérans ou?
Wéti djokans ou ?
Wéti lowgèy ou ?
Wéti dyèz ou ?
Wéti bèlté’w ?
Wéti chèlèlè’w ?

Détjenbwazé’w !!!

Sasayésaa …
Tiré rad ranyon lapousyè sann
frédi ya !

Doubout kò’w !

Priyé « Lavyèj dé maren »
fè tyolé zonbi,
ki sou fétay gran fonmajé ya,
pran lavol,
pran lanmè sèvi savann !

Palantjé’w !

Es ou sav,
anbiskankwen,
yo kriyé’w
bondalèz,
chalerèz,
wontèz ?

Fè yo wè’w,
douvanjou,
djoubatèz,
kreyatèz,
lonviyèz.

Pitjété makouklou’w !
Djéri kali’w !
Lévé’w
nan zonbi-fòlèt.
Sèvi tras malè’w
pou fè bonnè’w…