Potomitan

Site de promotion des cultures et des langues créoles
Annou voyé kreyòl douvan douvan

Iron Man

Umar Timol

karve mo ene zeness mwa
pa kroir
samdi soir
mo pou tach en plac
guette si pas ki film nimport
lor television
pa kroir mo
pu koz are si pa ki fami
ki vine rane visit
bolome bolfemm
karve mo ene zeness mwa
et mo mette
ene ti plan en plac
carre carre
pena zest ca
mo telefone trent cink la
mo dire li nou all cinema
li dir mwa si pa so mama pa le
mo dir li guette ca lamur
vini twa na pa pren conte
karve li dir sor ma
si pa ki cousine ine invit li
et so mama ki ene vieu la sauc pi
kroire li
laiss li alle
et ala mo dan cinema
la main dan la main
les yeux dan les yeux
mo dir ou mari top ca
et film la pli top enkor
karve Iron Man ca
mo dir ou chok
mo kamouad
ala acteur la
saut dan l'air
ala li lance kute bomb
li pren actric la dan so le bra
mo dir ou mari nissa ca
karve trent cink ca kout la
pe rode batt ene la lang
mo dir li tchombo
tchombo mo lamur
film la trop bonn
karve ca mo kroir
mo meme ca Iron Man la

astere la
mone rent lakaz
trent cink la
ine dir mwa
ki mo so cheri
ki to mem mo Iron Man
karve mo kroir
line gate are mwa
line amoureuz
top ca mo dir ou
astere mo dir mo mama
mo meme Iron Man
mo enfil ene tshirt rouz
lor mwa
et partou mo pile dans lakaz
karve va kroire
mone vine ene siper hero
mo pou sauv le mond
kut bomb kut missils
mo kuma ene mericain
astere la ene cout
mo mama guette mwa are
so gro gro lizyeux beuf la
et ki ou kroir li dire mwa
li dir mwa
avek so la voi kuma
sirop dowlut la :
karve beta
ale repasse ou slip
ou na pa Iron Man ou
ou Ironing Man

Viré monté