Mi lè-la ka vini ola chak flè avan
menm i pwan tan pou i fèmé pot a-y
ka voyé toupatou on dènyé lodorans.
On zòtolan ka plenn ou té ké pé kwèdi
on timoun manman-la oubliyé ba-y tété.

Zéklè-tòti anflanm ka siyonné niyaj
an mitan on syèl wouj paré pou pwan difé.
Labadijou menm a-y ja konsidi kasé.
On timoun ka chigné, pou manman-y ba-y tété.

Chak flè-la limenm a-y avan i fèmé pòt a-y
 vaporé toupatou on dènyé lodorans.
Pyé-koko ka bat-zèl pou fè limyè adyé.
Zéklè-toti anflanm ka siyonné niyaj.
Gwounouy ka ba krikyèt, tenmpo  pou akòwdé.

On zòtolan ka plenn on chanté-oubliyé.
Rivyè-la ka pléré an fenfon ravinaj.
Labadijou limenm ja konsidi kasé.
Lavi-la san dézòd ka chayé-nou alé.