Ni moun ka kriyé-y zorèy a makak.
Ni dòt ka di sé zòrèy a milat.
Jous ni sa ka kriyé-y zòrèy a léfan.
Kèlanswa, sé on sakré bèl gwo é gran pyébwa
Ka pòté kèk kòs woulé k’on zòrèy
èvè bèl grenn adan-yo.
Yo ka di pyébwa-lasa sòti péyi Mèksik.
Yo ka di péyi Ondiras pwan-y pou rèprézanté péyi-la limenm.
Yo ka di on awchitèk  mété on pyé an lakou tout lékòl
Épi tout gran konstriksyon yo té ka mandé-y fè.
Mé souvantfwa pyébwa-la té ka vini
sitèlman gwo
Sitèlman gran
yo té ka oblijé koupé-y avan i pwan twòp balan.
Kifè nou pa ni sitelman an Gwadloup.
Yo ka di
lè on moun fati-kagou
antòch
alabébétoum
asifi i ay apiyé asi-y on bon moman
lèwgadé, i ka pwan fòs
onfwa-lamenm I doubout oka.

 Viré monté