Potomitan

Site de promotion des cultures et des langues créoles
Annou voyé kreyòl douvan douvan

Calendrier des fruits
Février

Karanbòl

Hector Poullet

Karanbòl

Averrhoa carambola de la famille des oxalidacées. Karanbòl. Photo F.Palli.

Wè !
Sé karanbolaj-lanmou
i rivé fè-mwen divini
èstar a tout fruitaj.
Awa !
Défann yo di
an sé on fruitaj défandi !
Epi mété larézon la i yé :
manjé yonn, manjé dé
mé ou pa pou lésé
lavorasité menné-w alé !
Délè kon sik-lizin an dou.
Dòtlè an si kon sitwon.
Déparfwa
an bon pou kouldan.
Oswa dòtparfwa
An ni plis ji
pasé tout kann tan-lontan.
Enmé-mwen chè !
An ké montré-w kijan
an té ja oparadi-syèl
an tan Adan té tigason.
Wè !
Sé mwen Karanbol yo kriyé:
fruitaj-zétwèl !

crabe

 Viré monté