Péyi a-w la pa ta-w
Mé i pa ta p’on moun
Anni vou i pé di  
Si ou sé timoun a-y
Si ou sé timoun a-y
ou enmé-y k’on timoun
ni pou enmé manman-y
ni pou enmé papa-y

Jou  nou ké konpwann sa
Nou ké sav o nou k’ay 
Si nou pa vlé tann sa
Nou ké rété si kay

Di ou enmé péyi a-w
A pa anni tè-la
A pa sé montangn-la
Sòlèy-la, ni syèl-la
Ni sab bodlanmè-la
Ni menm sé rivyè-la
Sa ou enmé pasé sa
Sé  sé timoun a-y la

Jou  nou ké konpwann sa
Nou ké sav o nou k’ay 
Si nou pa vlé tann sa
Nou ké rété si kay

Si nou sé timoun a-y
Kèlanswa sa nou yé
Péyi-la mansousyé
Dépi noumenm osi
enmé-nou jan nou yé.
Bèlté a péyi-la
Sé noumen i ka fè-y-
èvè jan nou vlé i  yé

Jou nou ké konpwann sa
Nou ké sav o nou k’ay 
Si nou pa vlé tann sa
Nou ké rété si kay

Péyi an-nou pa tan-nou
Mé i pa ta p’on moun
Anni nou i pé di 
Si nou sé  timoun a-y
P’on péyi si latè
Pa péyi  a p’on moun
Latè on bèl planèt
Sé pou noutout i fèt.

Jou nou ké konpwann sa
Nou ké sav o nou k’ay
Si nou pa vlé tann sa
Nou ké rété si kay.

*

 Viré monté