| Kaz | Enfo | Ayiti | Litérati | KAPES | Kont | Fowòm | Lyannaj | Pwèm | Plan |
| Accueil | Actualité | Haïti | Bibliographie | CAPES | Contes | Forum | Liens | Poèmes | Sommaire |
Calendrier des oiseaux Koukoumannyok ! 1
Kokobino (Coccyzus minor). Photos Jean Philippe Beaugier. Pour entendre le chant cliquer sur le bouton.
|
Ga-ga-ga-ga-ga ga a-w ! go !
Penga !
Wopso !
Mi tan-la rivé pou nou janbé mitan lanné-la !
Juiyé ja la !
Lasenjan pasé.
Solèy limen a-y déjanmbé tropik-anho
pou i viré-monté jwenn-nou.
Gadé-y
i alamonté
ka swé kon bouro.
Livènaj ka pwan balan.
Niyaj ka kouri douvan van.
Lapli kay mèt-atè.
Lòtbò-dlo
pasi bò Lafrik
zé a siklòn ka kouvé.
Ga-ga-ga-ga-ga ga a-w ! go !
Penga !
Mwen Koukoumangnòk
Mègzoklèt mé tou ploumé
Chasè ki chasè ja sav lapenn pa vo !
Kifè an pa raouch.
An pa pè hak !
Wopso !
An ka soté branch an branch
Gay jan bèk an-mwen kochi, asiré sé zen.
Gay longyè plim a kyé an-mwen, sé bon lévantay menm.
Gay zongonn a pat an-mwen, sé grif toubòlman.
Mwen sé lavwa an ka bay.
Ga-ga-ga-ga-ga ga a-w ! go !
Sé mwen Koukoumannyòk
Mètamannyòk !
Tousa ka viv
adan mang-la
ka rèspèté-mwen.
Note
- Koukoumannyok: Coulicou des mangroves. Coccyzus minor.
