Kaz | Enfo | Ayiti | Litérati | KAPES | Kont | Fowòm | Lyannaj | Pwèm | Plan |
Accueil | Actualité | Haïti | Bibliographie | CAPES | Contes | Forum | Liens | Poèmes | Sommaire |
Les vieilles expressions idiomatiques créoles Annou ba chal an-nou gaz ! Lune à L'Habituée le 20.02.2013. Photo Francesca Palli. |
Tan la ka fè débouya
i pa ni tan pèd tan
li sé bay-adan
i ka bay-adan !
Si vou ou mélé
si ou adan kèk wélélé
si pyé a-w
pri an kabouya
oswa an kòlta
si sé vlé ou pa vlé
woté pyé a-w
an vyé soulyé
sé zafè a-w !
Mé fo ou sav
tan-la li
i byen mansousyé
i pa ka pèdtan.
Sòlèy-la
ka kléré anni lajouné.
Lévwaz !
Konpè !
Konmè !
Si nou vlé kontinyé
vansé
Si nou vlé limyè pou kléré
chimen an-nou
onfwa-lamenm
tousuitman
menmsi sé lannuit
atoupannan
ni ka dòmi :
annou ba chal an-nou gaz !
Dèmen
douvanjou
lè Konpè Jénéral Limyè
ké kay pou wouvè zyé
nou ké ja rivé
antèt a mòn
pou nou gadé
Solèy lévé !