Lalang i ban koray, in fleri merveye, lim imen
Lakord lonbri iniversel ki permet mwan anrisir toulezour
Nou zanmen pou reste menm parey, i nek envant limenm
Pour antann menm nouvo sapit realite, sezon lanmour

Lalang ki ne touzour dan mwan i sa linite sakre
Ki viv atraver bann milener, li akonpli dan lot pandan mil laz traverse
Kreolizasyon dwatet onore koman larises inik limanite
Koman soley briyan, eleman imateryel, nou idantite

Sak lalang kreol i sours depasan tou limit nasyonal
Kontinantal, korporel, spirityel, en litani diven entern e eternel
Nou valer komen diferansyel : Sak mo, sak kominikasyon i rekomansman
Lasans renouvelman kotidyen mantal, en lenstriman
Priyorite filozofik i dan lapros mityel ek dan partaz konfidansyel
Rezireksyon dan tou retrouvay, dan sak moman miltilateral

Pratik en lalang i rev, limazinasyon personnalize e kolektiv
Mekanizm esansyel lemonn, respirasyon, vibrasyon
Nou premye vwayazer lo lilet, lo later enkoni ki nou kristaliz
Listwar enpenetrab ki viv dan nou lanm, nou zeritye bann syek promiz
Lalang i palpitasyon tou leker e lafwa zenerasyon nouvo ki rev lakreasyon
Nouri krwayans en linite dan lar, dan prezans zanset, dan souf e lenspirasyon kreativ

Poème publié dans Seychelles Nation (Victoria, Seychelles), le 12 mai 2012, p. 7.