Mari fyer zot fyer
kan zot sant lim nasyonal
frisone, zot pwal mont dan ler,
zot pe sant liberte
dan langaz kolonyal!

Melanz delir ek degu kan get zot
sant zot limn nasyonal
ki mwa mo apel limn “posper”
an "p" miniskil
sitan li rijikil

Pu fet lendepandans
fon piblik defonse
Dan lesyel bann
jivizyon kuler
pe flote…

Televizyon ek rajyo
propagand bann fos enformasyon
enn bann manipilasyon
pu fer per-de-la-nasyon
so deifikasyon

Kuma zot kapav kontan ek fyer
kan akoz lendepandans zot pei
zot bann frer lor lot lil-la an dey
Zot pe ankor plor zot maler
finn aras depi zot lipye, zot later

Viré monté