An boug té an gwo nwè
I wè bétafé ka kléré
An poch dèyè’y  té ni an zalimet
I kratjé’y
i té adan an touf kann
Difé pri tout alantou’y.
Si bètafé ka kléré pou nam-li
Es fok nou limen an tizon nenpot koté ?
 

Lè nou limen gwo difé
I ka fè gou’y épi lidé’y
Lè nou anvi étenn-li
délè two ta ja baré nou
 

Yonndé manmay brilé an lajandamri
Asiparé : prézans kolonial
Mé difé a fet dret bòkay matant yonndi yo
Malérez-la pa ni tan sové

Lot-la mété difé adan an libsèvis
I té ni an boutdjel épi popiétè-a
Mé formasi-a toupré, é i brilé tou
I ka pléré gwo-dlo pou di sé pa fot-li
Papa’y pa rété rimed, i kasé pip-li
 

Difé pa fet pou jwé épi’y
Ou pé limen an fouyé difé
Pou manjé’w tjwit
Ou pa ka limen’y dret bò an kay an pay
 

Si nou ka limen an sèbi
Sé pou kléré chimen nou
Pa oblijé pou brilé an pies kann

Manmay pengad kratjé zalimet bò lésans
Vomié nou ba sèbi nou brè
I ké sa kléré fè nwè nou
Nou ké wè la nou ka dépozé pié nou

Bètafé ka kléré pou nam-li
Jòdi nou ni lanp-soley
Annou sèvi’y pou i kléré tout an lakou
Si nou ni pou djoubaté lannuit.
 

Manmay difé danjéré
Pengad avan nou limen’y
 

Pito nou suiv bètafé
Simié nou limen prop sèbi nou
Oben limiè-soler nou
Nou ké pé met la nou ka kléré
Pou bien djoubaké ba péyi nou

Kabé, Jid 13.10.2024

*

 Viré monté