Kriyé’y manniè zot lé, kisiswa anbòkayman, klétaj oben ankazaj. Si zot lé fè kon Finman boug-la ki épé kon an lépéset-la, sa sé zafè zot.

Mé nou ka konstaté komersan, télétravayè (sé pa sa ka travay latélé) tout moun anrajé.

Istanislas éti lot jou té ja vèti nou pou di:

— Bagay-la cho !

Kou-tala i katjilé mé i pa di’y fò pou moun pa fè lafet épi’y. Epi i poko asé fò an kréyol-la. Mé i di an fon tjè’y :

— Zot fè vidé pou jouwé mwen, mi atjelman Kovid-la wosé anlè zot, sa zot ka di, sa zot ka fè ?

Manmay bagay-la cho telman, menm malad pa alabri Lamèna. Ni yonn éti té antré pou an zafè bal i té risouvrè. Yo vini karektèman mété lapat asou’y. Yo fè an kidnaping kon sa ka fet sé jou-tala Ayiti.

Vréman, vréman ou sé di twaziem ankazaj-tala ka rann moun dekdek. Atjelman lè ou ka sòti, fok ou siyé an papié pou di la ou ka alé, ek fok ou ni an rézon sérié. Obensinon ou ka trapré an lanmann 135 éro.

Asiparé komkidiré ja ni wonz kandida pou éleksion la CTM, é lis dèy poko menm touché. Adjilbè di mwen:

— Ma ka konstaté ni plis ansien ki nouvo, memsi yo chanjé parti, sé menm bet menm prel !

Antouléka yo tjilé votman-an dé simenm é sa ké fet alafen mwa’d jwen-an. Sel bagay nou asiré pa ni pies lis ki pé genyen tou sel. Kidonk mannev dèyè ka alé ovantatè ek ka fè siwawa pou wè ki manniè kat-la ka bat.

Sel madanm-lan éti an kous, i mandé:

— Annou aji pou sòti an vié kanman-tala épi dé nouvo métod!

Es yo ké kouté’y?

Jid

Bel poveb kréyol 568

«Ou kité zonbi pou pran djab».

*

Sommaire Kréyolad