Potomitan

Site de promotion des cultures et des langues créoles
Annou voyé kreyòl douvan douvan

KREYOLAD 805

Chin alabri

31. Janvier 2020

Jid

Georges Castera. Source Le Nouvelliste

Chinwa Matinik éti nou ka kriyé yo tout chin, pa ka bliyé la yo sòti, menmsi ni lontan yo Matinik. Si ou fè malé di yonn i pa matinitjé, i pé menm jouréw é pa oblijé an chinwa mé épi an bel mo asou manmanw.

Chinwa alabri pas adan péyi zanset-yo ni pasé konmen milion moun yo blotjé adan an vil.

I ni an zafè viris (Coronavirus) ka ratibwazé moun.

Erezdibonnè pa koté Matinik chinwa nou pofité fété nouvo lanné yo épi an gan penteng. Pèsonn pa té ni mas, menmsi kannaval pa lwen, pas yo asiré chinwa isi alabri brital pidémi-tala.

Prézidan asosiasion chinwa matinik organizé an gran penteng épi chanté ek dansé tradisionel. Pou’y sa potalan fè yich yo konnet kanman zanset yo menmsi ni lontan yo Matinik.

Militan kont klordékòn

Simenn pas yo pa ka moli an may, dépi sized’ maten yo té kanpé douvan Océanis an gran libsèvis pa koté Robè. Kou-tala yo pran pokosion yo, pa ni anons asou lé rézo-sosio pou sé kolbògò-a pa atann yo douvan lantré-a. Yo pofité blotjé épi kadi chalviré pou opozé moun vini fè kous-yo. Man Idelvè éti boutik-li ka pran fè dépi konmen tan, té bien kontan. Ni yonndé moun té bizwen genyen an koslay oben an liv lanmori sé adan boutik-li a yonndé kliyan ki ni labitid pasé san travèsé vini chaché yonndé ti konmision. Akondi pawol-la «lanmò brigo ka bénéfisié solda».

Pa bliyé

An palan di lanmò, anlo baskétè Matinik ni bon lapenn pas an brital baskètè Kobe Bryan ki té ka manjé an panyen, pati monté an péyi san chapo abò élikoptè’y ki chapé tonbé. Magré misié té ja pran ritret-li, sé té boug ki té ja matjé pli pannié asou an teren basket la NBA. Délè, lè an gran zétwel ka étenn sa ka opozé nou wè dot klendendé. Sé konsa an brital poet ayisien, Goerges Castéra disparet an bèn san nou sav. Mé tousa ki enmen Ayiti sav i ké toujou ba nou jof épi fos poézi kisiswa épi zépon natirel-la, fransé oben panyol.

Sa pa opozé lari Voklen té ka limen gwo limen épi group kannaval dan la Noctanflas.

Tousa sé lavi, an pati ka vréyé kò-yo monté toupandan anlot pati ka pléré gwo dlo.

Jid

Sommaire Kréyolad

*

 Viré monté