Simenn pas té ni dé koulè, woz pou krab-la, ek blé pou sé viékò nou an.

Madanm épi kansè tété fè sa yo kriyé la vila woz pabò Villa Chanteclerc ki chanjé koulè. La té ni montray foto, bokantaj pawol mé sirtou ou té pé jwenn épi lé «amazòn». Sé dé  jenn fanm ki magré yo sibi opérasion, yo lé kontinié viv ek goumen dan lavi a. Yo lé sirtou montré ki magré sa, yo bel toujou ek prézantab anlè tab kon anba tab. Mé si sé jenn fanm lan ka kontinié djoubaté ek pa bésé tet yo, nou pé pa di menm bagay épi sé viékò nou an.

Sé viékò nou an ka viv pli lontan, mé lè anlo pa malad, an patjé ka trouvé kò yo abandoné. Anlo ni ich yo an Frans, é sa ki isi ka fè sa yo pé pou otjipé di yo.

Toutan yo pé fè zafè yo yo menm, pa ni tjak, mé lè yo ka bliyé oben yo Ayzaymè,  mi sé la sa cho a. Anlo ki oblijé konté anlè lézot ka viv sa trè mal. Sirtou sa ki té ni labitid fè tout zafè yo an gou yo. Pli red la, sé lè fok sipliyé moun ki pa menm fanmiy ou.

Ni viékò yo ka plasé adan an fanmiy ka risivrè yo. Dot ki té ni yo fò, ka plasé maman oben papa yo dan ann EPHAD. Mé sa ka kouté dé zié tet ou, é sé pa tout moun éti ki pé fè sa. Plas la chè, pas i ra kon zé bourik.

Adjilbè mandé mwen:

— Es sosiété nou an ka mofwazé telman ki nou ka bliyé granmoun nou?

Man pa sav, mé pengad, jòdijou lè ou ni 55 an ou ja twazièm aj.

Jid

* * *

Sommaire Kréyolad

 Viré monté