Potomitan

Site de promotion des cultures et des langues créoles
Annou voyé kreyòl douvan douvan

KREYOLAD 663

Baraj votman

28.04.2017

Jid

Vignette de François Gabourg.

Sé jou-tala yo ka fè tout bagay pou vèglé élektè. Simenn pasé té ni wonz kandida, anlo moun pa rivé chwézi pas dapré yo té ni trop an sel kou.

Lasimenn prochenn sé dé ki rété, es nou ké alez kon blez pou chwézi?

An pati moun fè nou lapenn sirtou pabò Préchè ek dan linò. Yo voté ba Lamarin poutan i pa ni labitid aprésié yo. Si ni anlo ki mandé karektèman baré lawout-li pou i pa viré, ni viré monté, ni pasé; ni an patjé moun Matinik ki glisé an bilten ba an parti éti ni gwo fon, yo jik ba’y tit : Fon Nasional.

Dapré tout moun sé an parti kon tout parti politik. Menmsi pa dèyè, i plen nazi adan. Akondi pawol-la, lé nazi sé té an tan Iklè, atjelman sa pa ka fet ankò.

Ni parti politik ki mandé gouté makaron-an, menmsi i poko bien tjuit. Chaben éti pa ni labitid voté ba prézidan Lafrans, mandé:

— Voté ba sa zot lé, mé pa voté ba Lepèn.

Manmay annou réfléchi titak, pas man jik tann an dépité éti ki di i pa ka voté. Kisa i ka alé fè Lasanblé Nasional, zot ka konprann an bagay an sa?

Adjilbè di mwen:

— Sé pa mwen ké rété bòk ay toupandan lé zafè mélé!

Ant sòti an sann ek tonbé an difé, es fok pa nou chwézi kanmenm? Es nou pé lavé lanmen nou akondi Pons-Pilat?

Ni an pati moun ka mandé ba Lamarin fè an ti-kou tou. Ti-kou tala, asiré sé pé ké an kout koutla an dlo. Kidonk réfléchi avan aji, pa pann chapo nou pli wo ki lanmen nou.

Antouléka si anlo parti ka mandé pa chwézi ni yonn ni lot, man ké fè kon Adjilbè ki chwézi pa voté ba ich-la. Ich sèpan, sé toujou sèpan menmsi i chanjé lapo. Man pa ka ba pèsonn konsèy, mé man ka di zot kanmenm, épi votman zot, baréy.

Jid

* * *

crabe

Sommaire Kréyolad

 Viré monté